Бо ибтикори Кумитаи ҷавонон, варзиш ва сайёҳии назди Ҳукумати ҷумҳурӣ ва дастгирии раиси вилояти Хатлон як гурӯҳ хабарнигорон 14 март ба вилояти Хатлон сафар карданд.

Ин иқдом бо мақсади амалӣ намудани барномаи рушди туризм барои солҳои 2015-2017 ва эҳёву рушди саёҳатҳои шаҳрӣ, туризми мактабӣ таввассути муаррифии захираҳо ва имконоти хизматрасонии соҳаи сайёҳӣ амалӣ мегардад. Рӯзноманигорон ҳамчунин дар чорабиниҳои Наврӯзи шаҳру ноҳияҳои Норак, Данғара, Темурмалик, Балҷувон, Муъминобод, Ховалинг, Восеъ, Кӯлоб, Носири Хусрав, Шамсиддин Шоҳин, Қубодиён, Шаҳритус ва Ҷиликул иштирок мекунанд.

То имрӯз рӯзноманигорон мавзеъҳои таърихиву фарҳангии шаҳри Норак ва ноҳияҳои Данғараву Темурмаликро тамошо карданд.

Баъд аз нисфирӯзии 15 март «Корвони рӯзноманигорон» ба самти ноҳияи Балҷувон раҳсипор шуд.

Маълумоти муфассал оид ба мавзеъҳои ҷолиби туристии вилоят дар матлабҳои оянданда пешкаш хоҳад гашт.