САЙЁҲӢ
Панҷшанбе 21 Ноябр 2019 11:22
696
23-26 марти соли равон дар шаҳри Москва, пойтахти Федератсияи Руссия намоишгоҳи туристии МIТТ-2016 баргузор мегардад.

Дар он намояндагони ниҳодҳои туристии кишварҳои Аврупо, Осиё, Африқо, Амрико, Шарқи Наздик, ширкатҳои ҳавопаймоӣ, намояндагиҳои меҳмонхонаҳои маъруф, санатория ва пансионатҳо, ширкатҳои хизматрасонии автомобилӣ, бюроҳои сайру саёҳат ва ғайра ширкат меварзанд.

Танҳо барои гӯшаи Вазорати туризми Исроил 480 метри мукааб ҷудо шудааст. Аз ин кишвар 30 ширкати сайёҳӣ дар намоишгоҳи мазкур иштирок хоҳанд кард. Вазири туризми Исроил Ярив Левин ба ин муносибат бо сафари расмӣ ба Москва омада, дар нишасти матбуотии намоишгоҳ ширкат мекунад.

Ҳамчунин кишварҳои Италия, Испания, Юнон, Кипр, Туркия, Миср ва Булғористон дар намоишгоҳи МIТТ-2016 майдонҳои аз ҳама зиёдро пешакӣ банд кардаанд.

Дар ин чорабинӣ аз Федератсияи Русия намояндагони ниҳодҳои давлатӣ ва ширкатҳои туристӣ иштирок мекунанд.

Бояд гуфт, ки Русия бозори калони туристӣ буда, кишварҳои зиёди ба ҳамкорӣ бо он дар соҳаи туризм таваҷҷуҳ доранд. Соли 2015 дар осошгоҳҳои Русия 4,3 миллион нафар шаҳрвандони ин кишвар истироҳат намуданд. Аз рӯи маълумоти Ассотсиатсияи туризми тандурустии Русия шумораи ҳаводорони ин навъи туризм солона зиёда аз 10% афзоиш хоҳад ёфт.

Иштирок дар ин чорабинии муҳим ба ширкатҳои сайёҳии мамлакатамон имкон хоҳад дод, ки теъдоди зиёди сайёҳонро аз Федератсияи Русия ба Тоҷикистон ҷалб намоянд.

Дар доираи намоишгоҳ баргузории чорабиниҳои фарҳангӣ-фароғатӣ ва пешниҳоди таому шириниҳои миллии кишварҳои гуногун дар назар дошта шудааст.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

Ноябр 2019 c.