САЙЁҲӢ
Ҷумъа 10 Июл 2020 01:42
1880
10 ноябри соли ҷорӣ масъулини Кумитаи ҷавонон, варзиш ва сайёҳӣ бо мақсади рушди туризми дохилӣ ва ҷалби сайёҳон ба минтақаҳои гуногуни мамлакат дар якҷоягӣ бо КВД “Роҳи оҳан” ва роҳбарони ширкатҳои сайёҳии ватанӣ, тавассути хатсайри Душанбе – Қурғонтеппа – Кӯлоб сафар намуда, айни замон хатсайри сайёҳат тавассути қатораро таҳия намуда истодаанд.

Имрӯзҳо дар ҷаҳон саёҳат тавассути қатора яке аз намудҳои афзалиятноки туризм ба ҳисоб меравад.

Интизор меравад, ки ташкили хатсайри Душанбе – Қурғонтеппа – Кӯлоб ба вилояти Хатлон, ки дорои иқтидори бойи сайёҳӣ мебошад, дар оянда метавонад барои инкишофи туризми экологӣ ва таърихию фарҳангӣ саҳми арзанда гузорад.

Нахустин шуда, тавассути ин қатора бо мақсади баланд бардоштани донишҳои соҳавӣ, донишҷӯёни риштаи туризми муассисаҳои олии таълимӣ ва миёнаи махсуси кишвар ҷалб карда мешаванд.

Таҳлилҳо нишон медиҳанд, ки ҳамасола теъдоди зиёди сайёҳони хориҷӣ маҳз барои боздид аз мавзеъҳои сайёҳии вилояти Хатлон ба кишвар ворид шуда, ба намудҳои туризми кӯҳнавардӣ, экологӣ ва таърихию фарҳангӣ машғул мешаванд.

Бо мақсади тарғибу ташвиқи захираҳои сайёҳии вилоят, Кумита ҳамчун мақомоти ваколатдори давлатӣ, ҳамасола мавзеъҳои тамошобоби Хатлонро дар намоишгоҳҳои байналмилалии шаҳрҳои Берлини Олмон, Лондони Британияи Кабир ва Москваи Федератсияи Россия манзури дӯстдорони сайру саёҳати ҷаҳон намуда истодааст.

Ҳамзамон, маводҳои иттилоотӣ аз маконҳои тамошобоби вилоят бо тариқи ройгон манзури сайёҳони потенсиалӣ гашта истодаанд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Июл 2020 c.