Пас аз маросими расмии кушодашавии Лагери ҷавонони Ташкилоти ҳамкориҳои Шанхай, ки дар шаҳри Синдаои кишвари Хитой баргузор гардида истодааст, иштирокчиёни лагер аз мавзеъҳои таърихию фарҳангӣ ва корхонаҳои саноатии шаҳри мазкур дидан намуданд.

Иштирокчиёни лагер рӯзҳои 16 ва 17 июл аввал дар баҳри шаҳри Тсиндао саёҳат намуда, сипас аз корхонаҳои бузурги саноатии ин шаҳр, аз қабили корхонаҳои Хайер, Тгуд, Шолии баҳрӣ ва қасри фарҳангӣ - фароғатии Лушан Тайтсини шаҳри Синдаоро тамошо карданд.

Иштирокчиёни Лагери мазкур на танҳо аз ҷойҳои таърихии шаҳри Синдао дар доираи лагер дидан карданд, инчунин онҳо ки аз 13 давлати дунё, аз қабили Хитой, Ҳиндустон, Қазоқистон, Қирғизистон, Покистон, Русия, Тоҷикистон, Ӯзбекистон, Афғонистон, Беларусия, Эрон, Муғулистон ва Озорбойҷон буданд, бо ҳам ошноӣ пайдо намуда, риштаи дӯстиро мустаҳкам намуданд.

Аз ҷараёни минбаъдаи Лагер дар гузоришҳои оянда иттилоъ хоҳем дод.

Беҳрӯз ХОЛМУРОДОВ,
аз шаҳри Синдаои Ҷумҳурии мардумии Чин