Давоми нӯҳ моҳи соли равон ба ҳудуди вилояти Суғд аз 68 давлати дунё  235642 нафар сайёҳон ворид гардидаанд, ки нисбат ба солҳои қаблӣ зиёд мебошад.

Дар вилояти Суғд барои пешбурди соҳаи сайёҳӣ аз ҷониби роҳбарияти вилоят аҳамияти хоса зоҳир мегардад.

Бо дастгирии раиси вилоят Абдураҳмон Қодирӣ  барои рушди соҳаи сайёҳӣ дар давраи солҳои ‎2015-2017 654 ҳазор сомонӣ маблағ ҷудо шудааст. Барои рушди туризми дохилӣ ва муаррифии имкониятҳои сайёҳӣ дар водии Заравшон соли дуюм аст,  лагери эко-туристии “Артуч” дар Пойгоҳи куҳнавардӣ-сайёҳии “Артуч” гузаронида мешавад.

Ҳадаф аз баргузорӣ ва ҷалби ҷавонон ба ин лагер омӯзонидани роҳбаладӣ ба ҷавонон барои қабули сайёҳон ва омода намудани муттахассиси соҳаи сайёҳӣ арзёбӣ гашт.

“Роҳбалад кист?” ва “Соҳаи сайёҳӣ ба муттахассис ниёз дорад” дар ин мавзӯъҳо семинарҳо доир карда шуда, муттахассисони соҳаи сайёҳӣ ба ҷавонон дарсҳо гузаштанд.

Аҳрорхон Хоҷаев муттахассиси Раёсати ҷавонон, варзиш ва сайёҳии вилояти Суғд мегӯяд то охири сол сомонаи сайёҳии вилоятро бо номи WellcomeSugd.tj  фаъол мекунем. Сомонаи мазкур имкон медиҳад, ки бо се забон- тоҷикӣ, русӣ ва англисӣ захира ва имкониятҳои сайёҳии вилоятро барои сайёҳон ва аҳолии кишвар муарримӣ намуда, сайёҳони хориҷиро бештар ба мавзеъҳои зебои кишвар ҷалб кунем. Ҳамчунин харитаи сайёҳии вилоят бо забони англисӣ омода мешавад.

Харита барои раҳгум назадан ва барои диқиқ муайян намудани мавзъҳои сайёҳӣ пешбинӣ шудааст.

Асосан сайёҳон аз мавзеъҳои сайёҳии вилоят водии Зарафшон, Қаторкуҳҳои Фон, Кули Аловаддин, Искандаркул, Кули калон, Ҳафт кул, шаҳри Хуҷанд ва Гулистон дидан менамоянд гуфт,-А.Хоҷаев.

Ба андешаи Аҳрорхон Хоҷаев имрӯз маданияти хизматрасонӣ ба сайёҳон дар тарабхона ва меҳмонхонаҳо беҳбудиро талаб мекунад. Яъне сифати хизматрасонӣ паст аст ва ин барои сайёҳон хушоянд нест.  Барои сайёҳон дар меҳмонхонаҳо кормандони махсуси донандаи забонҳои хориҷӣ хизмат расонанд ва  талаби сайёҳонро қонеъ созанд.

Муаммои дигар барои  ҷалби сайёҳон гарон будани чиптаҳои ҳавопаймоӣ мебошад. Омили дигар ин маҳкам будани сарҳади Узбакистон дар водии Заравшон шаҳри Панҷакент аст, ки барои ҷалби сайёҳон монеъа пеш меорад.

Тоҷикистон, ки асосан бо табитаи зебо ва куҳҳои ҳайратовараш диққати сайёҳонро ба худ ҷалб мекунад мо нақша дорем соли оянда як филми ҳуҷҷатии мукаммалро оид ба имкониятҳо ва захираҳои сайёҳии вилоят омода кунем.

Ҳамчунин  каталоги сайёҳӣ ва раҳнамои сайёҳии вилояти Суғдро ба нашр мерасонем иброз дошт,-ҳамсуҳбатамон.

Саодат ИСМОИЛӢ, "ҶТ"