Тоҷиддин Ҷуразода раиси Кумитаи рушди сайёҳии назди Ҳукумати Ҷумҳурии Тоҷикистон зимни нишасти матбуотӣ таъкид намуд, ки бемории сироятии COVID-19 ба кумита таъсир расонда, дар соли 2020 шумораи шаҳрвандони хориҷие, ки ба Ҷумҳурии Тоҷикистон ташриф овардаанд 410,1 ҳазор нафарро ташкил намуд, ки нисбат ба ҳамин давраи соли гузашта 909,1 ҳазор нафар ё 69,0 фоиз кам шудааст.

Аз шумораи умумии шаҳрвандони хориҷие, ки ба Ҷумҳурии Тоҷикистон ташриф овардаанд 350,6 ҳазор нафарашон ба ҳайси сайёҳ (тибқи методологияи Созмони Умумиҷаҳонии Сайёҳӣ) арзёбӣ мегарданд, ки нисбат ба ҳамин давраи соли гузашта 72, 2% кам шудааст.

Гуфта шуд, ки ба ҳамаи ин нигоҳ накарда, кумита дар ин давра ҳамкориро бо давлатҳои хориҷаи дуру наздин ҷиҳати таҳия ва мувофиқаи лоиҳаи созишномаҳои ҳамкорӣ ва ёддоштҳои тафоҳум оғоз бахшида, онро идома дода истодааст. Кумита то имрӯз созишномаҳои ҳамкории дутарафа ва ёддоштҳои тафоҳум бо 9 мамлакат идома дорад. Илова бар ин тибқи малумотҳои дастрасшуда, 54 ширкати сайёҳии ватанӣ бо 36 ширкатҳои сайёҳии хориҷӣ қарордодҳои ҳамкорӣ ба имзо расонидаанд.