САЙЁҲӢ
Панҷшанбе 25 Апрел 2024 03:42
Тоҷикистон имрӯз ба яке аз кишварҳои зеботарин ва макони сайёҳӣ табдил ёфта, сол то сол шумораи ташрифи меҳмонони хориҷӣ ба ватани азизи мо зиёд мегардад. Гарчанде ки соли гузашта бар асари COVID-19 рафту омади меҳмонон ба кишвар муваққатан манъ гардид, имрӯз роҳҳо ба тадриҷ кушода мешаванд ва ташрифи меҳмонони хориҷӣ ҳам инак каму беш дида мешавад.
Барои дигарбора тавсеа бахшидани соҳаи сайёҳӣ, истифодаи самараноки имкониятҳои мавҷуда, инкишофи инфрасохтори сайёҳӣ, беҳтар кардани сифати хизматрасонӣ ва ҷалби ҳарчи бештари сайёҳон айни ҳол Кумитаи рушди сайёҳии назди Ҳукумати Ҷумҳурии Тоҷикистон чӣ корҳоро ба анҷом расонида истодааст? Доир ба ин суҳбате доштем, бо раиси Кумитаи рушди сайёҳии назди Ҳукумати Ҷумҳурии Тоҷикистон Тоҷиддин Ҷӯразода.
- Соҳаи сайёҳӣ айни ҳол дар кадом ҳолат қарор дорад?
- Вазъи соҳаи сайёҳӣ дар муқоиса ба соли 2020 нисбатан хуб ва дар ҳоли рушд қарор дорад. Боиси хушнудист, ки пас аз пандемияи COVID-19 имрӯз роҳҳо ба дигар кишварҳо марҳила ба марҳила кушода мешавад.
Сайёҳӣ, ки дар кишвари мо табиатан хусусияти мавсимӣ дораду бештари меҳмонон аз моҳи март сар карда, ба тамошои диёри зебоманзари мо меоянд, имсол шумораашон нисбатан зиёд аст.
Аз рӯи таҳлилҳои оморӣ дар давоми соли 2020 ба кишвар 350 ҳазор нафар сайёҳ ташриф оварданд. Аз аввали соли 2021 то имрӯз шумораи сайёҳон аллакай ба 60 ҳазор нафар расидааст. Ин нишондод гувоҳи он аст, ки вазъ муътадил гардида, имсол шумораи онҳо зиёд хоҳад шуд.
- Дар давраи пандемия чанде аз ширкатҳои сайёҳӣ муваққатан аз фаъолият боз монданд. Айни замон чанд ширкат ба кор шурӯъ кард?
- Имрӯз дар бозори хизматрасонӣ 221 ширкати сайёҳӣ фаъолият дорад. Сарфи назар аз паҳншавии бемории COVID-19 дар соли 2020 ва се моҳи соли 2021 Кумита боз 37 ширкати сайёҳиро ба қайд гирифта, иҷозати фаъолиятро барои онҳо содир кард. Ин нишондиҳандаи фароҳам овардашуда шароити мусоид барои бахши хусусӣ мебошад.
Албатта, фаъолият дар шароити иқтисоди бозаргонӣ ва рақобатнокӣ, хусусан дар вазъияти вазнини фарогир шудани бемории сироятии COVID-19 баъзе ширкату субъектҳои хоҷагидорро водор намуд, ки корашонро қатъ намоянд. Ва бахши сайёҳӣ низ мутаассифона аз ин истисно нест. Дар ин давра 10 ширкат бо сабабҳои иқтисодӣ фаъолиятро қатъ карданд. Аммо, динамикаи афзоиши шумораи ширкатҳои нав ва субъектҳои хизматрасонии соҳа, аз қабили меҳмонхонаҳо, фароғатгоҳҳо, тарабхонаҳо ва ғайра аз он далолат медиҳад, ки соҳаи сайёҳӣ ҳамчун бахши даромаднок дурнамои нек дорад ва дар рушди устувори иқтисодӣ саҳми арзандаи худро мегузорад.
- Рушди сайёҳии дохилӣ чӣ гуна аст?
- Сайёҳии дохилӣ имрӯз дар тамоми дунё ҳамчун самти муҳими рушди соҳа арзёбӣ шуда истодааст. Ба хотири он ки сайёҳии дохилӣ дар кишвари мо рушд ёбад, мо чандин маротиба бо ширкатҳо дар сатҳҳои гуногун мулоқоту суҳбатҳои фарогир дош-тем. Имрӯз аз ҷониби ширкатҳо вобаста ба рушди ин самти муҳим пешниҳодҳои мушаххас манзур шудаанд. Кумита дар ҳамкорӣ бо онҳо дар минтақаҳои ҷумҳурӣ ин самти сайёҳиро рушд мебахшад. Роҳҳо ҳатто дар фасли зимистон ба дилхоҳ минтақаи кишвар кушодаанд. Саразм, Ҳулбук, Қалъаи Ҳисор, Чилучорчашма, Хоҷа Машҳад ва дигар мавзеъҳои нодири сайёҳӣ барои хизмат ба аҳолӣ омодаанд. Масъулини соҳа ташвиқи хатсайрҳои сайёҳӣ, вазъи тозагии мавзеъҳои сайёҳӣ, тарғиби имконияти сайёҳии шаҳру ноҳияҳо тавассути шабакаҳои иҷтимоии интернетӣ ба роҳ мондаанд.
Айни ҳол худи аҳолӣ имконияти хуби сафар ба минтақаҳои гуногуни кишварро дорост. Онҳо метавонанд, бо нақлиёти худ ё таксӣ ба сафар бароянд, аз хизматрасониҳои меҳмонхонаҳо, осоишгоҳҳо истифода баранд ва аз таърихи пурғановати Тоҷикистон ва зебоиву назокати табиати кишвар аз наздик шинос шаванд.
Аз ҷониби Кумитаи рушди сайёҳӣ чорабиниҳои зиёд барои тарғибу ташвиқи таърихи рангини тоҷик ва муаррифӣ намудани фарҳанги пурғановати миллат гузаронида шуданд.
- Барои ҷалби сайёҳон ба кишвар кумита чӣ иқдомҳоро роҳандозӣ дорад, то шумораи сайёҳон боз ҳам зиёд гарданд?
- Илова ба роҳандозӣ кардани механизмҳои дастгирии бахши хусусӣ мо силсилаи вохӯрию мулоқотҳоро бо ширкатҳои сайёҳии хориҷӣ ба роҳ мондаем ва ҳар моҳ бо мақомоти сайёҳии кишварҳои дуру наздик тариқи маҷозӣ мулоқотҳо мегузаронем. Дар ин мулоқотҳо тавассути рӯнамоҳо ва маърӯзаҳои тарғибкунандаи зарфияти соҳаи сайёҳии кишвар бо ширкату мақомоти сайёҳии кишварҳои мухталифи дунё кӯшиши ба роҳ мондани ҳамкориҳои судманд ва самарабахш ба харҷ дода мешавад. Феълан чунин мулоқот бо кишварҳои Осиёи Марказӣ, Озарбойҷон, созмонҳои байналмилалӣ - шарикони рушди Тоҷикистон, сафоратҳои давлатҳои хориҷӣ дар Тоҷикистон, ширкату корпоратсияҳои сайёҳии ИМА, Малайзия ва дигарон анҷом дода шуда, силсиламулоқотҳои дигар тибқи нақшаи корӣ амалӣ хоҳанд шуд.
- Реклама ё тарғибу ташвиқи мавзеъҳои назаррабои кишвар чӣ гуна ба роҳ монда шудааст?
- Кумитаи рушди сайёҳӣ ҳамчун мақоми давлатӣ ба якчанд расонаҳои кишвар ҳамкории зич дорад. Ва ҳамаи он чорабиниҳое, ки дар кумита баргузор мегарданд, тариқи сомонаҳои онҳо дастраси хоҳишмандон мешаванд. Барои боз ҳам бештар муаррифӣ намудани соҳаи сайёҳӣ мо кӯшиш мекунем, ки бо дигар расонаҳои кишвар низ ҳамкориро ба роҳ монем. Дар ин самт кумита аз имконоти васеи технологияҳои иттилоотӣ ва рақамӣ истифода мебарад. Ҳамзамон, ҷиҳати тарғибу ташвиқи бештар мо дар ҳамкорӣ бо барномаҳои телевизионии кишварҳои минтақа ва хориҷ зарфиятҳои гуногунҷанбаи сайёҳии кишварро манзури тамошобинон ва ҳаводорони сайру саёҳат менамоем.
Имрӯзҳо кормандони барномаи телевизионии НТВ - и Россия “Поедем, поедим” дар Тоҷикистон ба навори мавзеъҳои зебо ва ҳунари хурокпазии минтақаҳои гуногуни кишвар машғуланд. Гуфтушунидҳо вобаста ба ҷалби дигар воситаҳои ахбори оммаи ҷаҳонӣ идома доранд.
- Кумита дар баробари дигар соҳаҳо то ҷашни 30 – солагии Истиқлолияти давлатӣ чи тадбирҳоро рӯи даст гирифтааст?
- Дар доираи чорабиниҳо вобаста ба таҷлили 30 - солагии Истиқлолияти давлатии Ҷумҳурии Тоҷикистон кумита дар ҳамкорӣ бо мақомоти ҳокимияти давлатии шаҳри Душанбе ва дигар вазорату идораҳо вобаста ба эълон гардидани шаҳри Душанбе ҳамчун пойтахти сайёҳии ЭКО барои солҳои 2020-2021 гузаронидани Фестивали байналмилалии “Душанбе - пойтахти сайёҳии ЭКО” ва “Форуми байналмилалии рушди агротуризм”, дар доираи таҷлили 20 - солагии Созмони Ҳамкории Шанхай ташкили “Форуми сайёҳии СҲШ”, Ҷаласаи роҳбарони мақомоти сайёҳии давлатҳои аъзои СҲШ, фестивали хӯрокҳои миллии кишварҳои СҲШ, маъракаи муҳим вобаста ба ҷамъбасти натиҷаи амалишавии ташаббуси Пешвои миллат оид ба “Солҳои рушди деҳот, сайёҳӣ ва ҳунарҳои мардумӣ”, ки имсол хотима меёбад, масъул буда, тибқи нақшаи чорабиниҳо кору фаъолиятро ба роҳ мондааст.
Бояд қайд кард, ки баргузории чорабиниҳои сатҳи баланди байналмилалӣ муаррификунандаи симои сайёҳии Тоҷикистон буда, дар пешрафти соҳа саҳми махсуси худро мегузорад ва мо - масъулини соҳаро водор месозад, ки барои ноил шудан, ба дастовардҳои назаррас ҷиҳати таъмини рушди бемайлони соҳаи сайёҳӣ, ташвиқи хатсайрҳои сайёҳӣ, тарғиби имкониятҳои сайёҳии шаҳру ноҳияҳо тавассути нишемангоҳи рақамӣ ва шабакаҳои интернетӣ аз тамоми имконот истифода бурда, ба иҷрои вазифаю нақшаҳои тасдиқгардида, бо масъулияти баланд муносибат кунем.
Барои дигарбора тавсеа бахшидани соҳаи сайёҳӣ, истифодаи самараноки имкониятҳои мавҷуда, инкишофи инфрасохтори сайёҳӣ, беҳтар кардани сифати хизматрасонӣ ва ҷалби ҳарчи бештари сайёҳон айни ҳол Кумитаи рушди сайёҳии назди Ҳукумати Ҷумҳурии Тоҷикистон чӣ корҳоро ба анҷом расонида истодааст? Доир ба ин суҳбате доштем, бо раиси Кумитаи рушди сайёҳии назди Ҳукумати Ҷумҳурии Тоҷикистон Тоҷиддин Ҷӯразода.
- Соҳаи сайёҳӣ айни ҳол дар кадом ҳолат қарор дорад?
- Вазъи соҳаи сайёҳӣ дар муқоиса ба соли 2020 нисбатан хуб ва дар ҳоли рушд қарор дорад. Боиси хушнудист, ки пас аз пандемияи COVID-19 имрӯз роҳҳо ба дигар кишварҳо марҳила ба марҳила кушода мешавад.
Сайёҳӣ, ки дар кишвари мо табиатан хусусияти мавсимӣ дораду бештари меҳмонон аз моҳи март сар карда, ба тамошои диёри зебоманзари мо меоянд, имсол шумораашон нисбатан зиёд аст.
Аз рӯи таҳлилҳои оморӣ дар давоми соли 2020 ба кишвар 350 ҳазор нафар сайёҳ ташриф оварданд. Аз аввали соли 2021 то имрӯз шумораи сайёҳон аллакай ба 60 ҳазор нафар расидааст. Ин нишондод гувоҳи он аст, ки вазъ муътадил гардида, имсол шумораи онҳо зиёд хоҳад шуд.
- Дар давраи пандемия чанде аз ширкатҳои сайёҳӣ муваққатан аз фаъолият боз монданд. Айни замон чанд ширкат ба кор шурӯъ кард?
- Имрӯз дар бозори хизматрасонӣ 221 ширкати сайёҳӣ фаъолият дорад. Сарфи назар аз паҳншавии бемории COVID-19 дар соли 2020 ва се моҳи соли 2021 Кумита боз 37 ширкати сайёҳиро ба қайд гирифта, иҷозати фаъолиятро барои онҳо содир кард. Ин нишондиҳандаи фароҳам овардашуда шароити мусоид барои бахши хусусӣ мебошад.
Албатта, фаъолият дар шароити иқтисоди бозаргонӣ ва рақобатнокӣ, хусусан дар вазъияти вазнини фарогир шудани бемории сироятии COVID-19 баъзе ширкату субъектҳои хоҷагидорро водор намуд, ки корашонро қатъ намоянд. Ва бахши сайёҳӣ низ мутаассифона аз ин истисно нест. Дар ин давра 10 ширкат бо сабабҳои иқтисодӣ фаъолиятро қатъ карданд. Аммо, динамикаи афзоиши шумораи ширкатҳои нав ва субъектҳои хизматрасонии соҳа, аз қабили меҳмонхонаҳо, фароғатгоҳҳо, тарабхонаҳо ва ғайра аз он далолат медиҳад, ки соҳаи сайёҳӣ ҳамчун бахши даромаднок дурнамои нек дорад ва дар рушди устувори иқтисодӣ саҳми арзандаи худро мегузорад.
- Рушди сайёҳии дохилӣ чӣ гуна аст?
- Сайёҳии дохилӣ имрӯз дар тамоми дунё ҳамчун самти муҳими рушди соҳа арзёбӣ шуда истодааст. Ба хотири он ки сайёҳии дохилӣ дар кишвари мо рушд ёбад, мо чандин маротиба бо ширкатҳо дар сатҳҳои гуногун мулоқоту суҳбатҳои фарогир дош-тем. Имрӯз аз ҷониби ширкатҳо вобаста ба рушди ин самти муҳим пешниҳодҳои мушаххас манзур шудаанд. Кумита дар ҳамкорӣ бо онҳо дар минтақаҳои ҷумҳурӣ ин самти сайёҳиро рушд мебахшад. Роҳҳо ҳатто дар фасли зимистон ба дилхоҳ минтақаи кишвар кушодаанд. Саразм, Ҳулбук, Қалъаи Ҳисор, Чилучорчашма, Хоҷа Машҳад ва дигар мавзеъҳои нодири сайёҳӣ барои хизмат ба аҳолӣ омодаанд. Масъулини соҳа ташвиқи хатсайрҳои сайёҳӣ, вазъи тозагии мавзеъҳои сайёҳӣ, тарғиби имконияти сайёҳии шаҳру ноҳияҳо тавассути шабакаҳои иҷтимоии интернетӣ ба роҳ мондаанд.
Айни ҳол худи аҳолӣ имконияти хуби сафар ба минтақаҳои гуногуни кишварро дорост. Онҳо метавонанд, бо нақлиёти худ ё таксӣ ба сафар бароянд, аз хизматрасониҳои меҳмонхонаҳо, осоишгоҳҳо истифода баранд ва аз таърихи пурғановати Тоҷикистон ва зебоиву назокати табиати кишвар аз наздик шинос шаванд.
Аз ҷониби Кумитаи рушди сайёҳӣ чорабиниҳои зиёд барои тарғибу ташвиқи таърихи рангини тоҷик ва муаррифӣ намудани фарҳанги пурғановати миллат гузаронида шуданд.
- Барои ҷалби сайёҳон ба кишвар кумита чӣ иқдомҳоро роҳандозӣ дорад, то шумораи сайёҳон боз ҳам зиёд гарданд?
- Илова ба роҳандозӣ кардани механизмҳои дастгирии бахши хусусӣ мо силсилаи вохӯрию мулоқотҳоро бо ширкатҳои сайёҳии хориҷӣ ба роҳ мондаем ва ҳар моҳ бо мақомоти сайёҳии кишварҳои дуру наздик тариқи маҷозӣ мулоқотҳо мегузаронем. Дар ин мулоқотҳо тавассути рӯнамоҳо ва маърӯзаҳои тарғибкунандаи зарфияти соҳаи сайёҳии кишвар бо ширкату мақомоти сайёҳии кишварҳои мухталифи дунё кӯшиши ба роҳ мондани ҳамкориҳои судманд ва самарабахш ба харҷ дода мешавад. Феълан чунин мулоқот бо кишварҳои Осиёи Марказӣ, Озарбойҷон, созмонҳои байналмилалӣ - шарикони рушди Тоҷикистон, сафоратҳои давлатҳои хориҷӣ дар Тоҷикистон, ширкату корпоратсияҳои сайёҳии ИМА, Малайзия ва дигарон анҷом дода шуда, силсиламулоқотҳои дигар тибқи нақшаи корӣ амалӣ хоҳанд шуд.
- Реклама ё тарғибу ташвиқи мавзеъҳои назаррабои кишвар чӣ гуна ба роҳ монда шудааст?
- Кумитаи рушди сайёҳӣ ҳамчун мақоми давлатӣ ба якчанд расонаҳои кишвар ҳамкории зич дорад. Ва ҳамаи он чорабиниҳое, ки дар кумита баргузор мегарданд, тариқи сомонаҳои онҳо дастраси хоҳишмандон мешаванд. Барои боз ҳам бештар муаррифӣ намудани соҳаи сайёҳӣ мо кӯшиш мекунем, ки бо дигар расонаҳои кишвар низ ҳамкориро ба роҳ монем. Дар ин самт кумита аз имконоти васеи технологияҳои иттилоотӣ ва рақамӣ истифода мебарад. Ҳамзамон, ҷиҳати тарғибу ташвиқи бештар мо дар ҳамкорӣ бо барномаҳои телевизионии кишварҳои минтақа ва хориҷ зарфиятҳои гуногунҷанбаи сайёҳии кишварро манзури тамошобинон ва ҳаводорони сайру саёҳат менамоем.
Имрӯзҳо кормандони барномаи телевизионии НТВ - и Россия “Поедем, поедим” дар Тоҷикистон ба навори мавзеъҳои зебо ва ҳунари хурокпазии минтақаҳои гуногуни кишвар машғуланд. Гуфтушунидҳо вобаста ба ҷалби дигар воситаҳои ахбори оммаи ҷаҳонӣ идома доранд.
- Кумита дар баробари дигар соҳаҳо то ҷашни 30 – солагии Истиқлолияти давлатӣ чи тадбирҳоро рӯи даст гирифтааст?
- Дар доираи чорабиниҳо вобаста ба таҷлили 30 - солагии Истиқлолияти давлатии Ҷумҳурии Тоҷикистон кумита дар ҳамкорӣ бо мақомоти ҳокимияти давлатии шаҳри Душанбе ва дигар вазорату идораҳо вобаста ба эълон гардидани шаҳри Душанбе ҳамчун пойтахти сайёҳии ЭКО барои солҳои 2020-2021 гузаронидани Фестивали байналмилалии “Душанбе - пойтахти сайёҳии ЭКО” ва “Форуми байналмилалии рушди агротуризм”, дар доираи таҷлили 20 - солагии Созмони Ҳамкории Шанхай ташкили “Форуми сайёҳии СҲШ”, Ҷаласаи роҳбарони мақомоти сайёҳии давлатҳои аъзои СҲШ, фестивали хӯрокҳои миллии кишварҳои СҲШ, маъракаи муҳим вобаста ба ҷамъбасти натиҷаи амалишавии ташаббуси Пешвои миллат оид ба “Солҳои рушди деҳот, сайёҳӣ ва ҳунарҳои мардумӣ”, ки имсол хотима меёбад, масъул буда, тибқи нақшаи чорабиниҳо кору фаъолиятро ба роҳ мондааст.
Бояд қайд кард, ки баргузории чорабиниҳои сатҳи баланди байналмилалӣ муаррификунандаи симои сайёҳии Тоҷикистон буда, дар пешрафти соҳа саҳми махсуси худро мегузорад ва мо - масъулини соҳаро водор месозад, ки барои ноил шудан, ба дастовардҳои назаррас ҷиҳати таъмини рушди бемайлони соҳаи сайёҳӣ, ташвиқи хатсайрҳои сайёҳӣ, тарғиби имкониятҳои сайёҳии шаҳру ноҳияҳо тавассути нишемангоҳи рақамӣ ва шабакаҳои интернетӣ аз тамоми имконот истифода бурда, ба иҷрои вазифаю нақшаҳои тасдиқгардида, бо масъулияти баланд муносибат кунем.
Хабарҳои дигар
Рӯзнома
Эзоҳи худро нависед