27 сентябр Сироҷиддин Муҳриддин, вазири корҳои хориҷии Ҷумҳурии Тоҷикистон дар ҳошияи иҷлосияи 79-уми Маҷмаи Умумии Созмони Милали Муттаҳид бо Файсал ибни Фарҳон Оли Сауд, вазири корҳои хориҷии Шоҳигарии Арабистони Саудӣ Ёддошти тафоҳум байни Ҳукумати Ҷумҳурии Тоҷикистон ва Ҳукумати Шоҳигарии Арабистони Саудӣ дар бораи мутақобилан бекор намудани талаботи раводид барои дорандагони шиносномаҳои дипломатӣ, хизматӣ ва махсус ба имзо расониданд.

Дар ин хусус Вазорати корҳои хориҷии кишвар хабар медиҳад.

Бино ба иттилои манбаъ дар асоси Ёддошти тафоҳуми баимзорасида шаҳрвандони ҳар яке аз тарафҳо, ки дорандаи шиносномаҳои дипломатӣ, хизматӣ ва махсус мебошанд, аз талаботи гирифтани раводид барои вуруд, хуруҷ, убур ва будубош дар ҳудуди давлати тарафи дигар ба муҳлати на зиёда аз 90 рӯз дар муддати 180 рӯз аз санаи вуруди аввалин озод карда мешаванд.