САЙЁҲӢ
Душанбе 16 Сентябр 2019 11:25
1581
Бахшида ба Рӯзи ҷаҳонии туризм (27 сентябр) бо ибтикори Бахши ҷавонон, варзиш ва сайёҳии ноҳияи Исмоили Сомонӣ дар Донишгоҳи давлатии омӯзгории Тоҷикистон ба номи С. Айнӣ таҳти унвони "Тоҷикистон минтақаи ҷолиби сайёҳӣ" чорабинӣ баргузор гардид.

Сайали Шаҳобов, мудири Бахши ҷавонон, варзиш ва сайёҳии ноҳияи И. Сомонӣ иштирокдоронро ба Рӯзи байналхалқии туризм таҳният гуфта, иброз дошт: “Давоми даҳсолаи охир соҳаи туризм дар иқтисодиёти кишварҳои дунё мавқеи муҳимро ишғол кардааст. Зеро аксари кишварҳо манфиати соҳаи туризмро дарк намудаанд ва ба ин соҳаи даромаднок аҳамияти хоса медиҳанд. Тибқи маълумот даромади соҳаи туризм дар соли 2000 тақрибан 461 миллиард долларро ташкил додааст ва ин рақам то соли 2020 ба 2 триллион доллар хоҳад расид”.

Гуфта шуд, мо низ бояд ба рушди соҳаи туризм диққати ҷиддӣ диҳем, зеро тавре ҷаноби Толиб Рифаӣ, раиси Ташкилоти ҷаҳонии туризм гуфтааст, “Тоҷикистон Шветсарияи Осиёи Марказӣ мебошад”. Дар ҳақиқат Тоҷикистон бо табиати зебо, чашмаҳои шифобахшаш, ба мисли “Гармчашма”, “Хоҷаоби гарм”, меваю сабзавот, кӯҳу дарёҳо, мамнӯъгоҳҳо ва дигар ҷойҳои табиии сайру саёҳатиаш машҳур гаштааст. Дар сурати диққати ҷиддӣ додан ба сайру саёҳат метавонем дар қатори кишварҳои аз лиҳози соҳаи туризм тараққикарда мавқеъ пайдо кунем.

Махкамбой Гулов, мудири бахши кор бо ҷавонони Раёсати ҷавонон, варзиш ва сайёҳии шаҳри Душанбе, зимни баромадаш қайд кард, ки дар шаҳри Душанбе вобаста ба соҳаи туризм дар 25 соли истиқлолият дигаргуниҳои ҷиддие ба амал омад. Аз ҷумла, бо ташаббуси Сарвари давлат, муҳтарам Эмомалӣ Раҳмон, ҳукумати шаҳри Душанбе ва фарзандони меҳнатдӯсту заҳматкаш ҳайкали Исмоили Сомонӣ, Қасри миллат, Китобхонаи миллӣ, Осорхонаи миллӣ, Парчами давлатӣ, Нишони давлатӣ, Боғи устод Рӯдакӣ, боғи Ирам, боғи истироҳатию фароғатии пойтахт, меҳмонхонаю тарабхонаҳои муосиру ҳозиразамон бунёд гардида, пойтахтро ба яке аз маконҳои зебо табдил додааст.

Дар чорабинӣ донишҷӯёни низ вобаста ба соҳаи сайёҳӣ дар Тоҷикистон ва нақши ҷавонон дар рушди соҳа маърӯза карданд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

Сентябр 2019 c.