САЙЁҲӢ
Якшанбе 11 Апрел 2021 12:38
1464
Имрӯз, 2 сентябр, дар арафаи ҷашни 25-умин солгарди Рӯзи Истиқлолияти давлатии Ҷумҳурии Тоҷикистон дар меҳмонхонаи "HYATT Regency"-и шаҳри Душанбе дуюмин Конфронси байналмилалии сайёҳӣ таҳти унвони «Тоҷикистон ҷавҳари кашфношуда: мушкилот ва дурнамо» баргузор гардид. Дар он намояндагони вазорату идораҳои дахлдори ҷумҳурӣ, масъулини соҳаи сайёҳии давлатҳои хориҷӣ, коршиносон, сафирону кормандони корпусҳои дипломатӣ, ташкилотҳои байналмилалӣ, намояндагони ширкатҳои соҳаи сайёҳии Тоҷикистон ва журналистон ширкат доштанд.



Дар ифтитоҳ Аҳтам Абдуллозода, раиси Кумитаи ҷавонон, варзиш ва сайёҳӣ, меҳмонони хориҷиро ба Тоҷикистони зебоманзару офтобӣ хайрамақдам гуфта, иброз дошт: “Сайёҳӣ дар сиёсати имрӯзаи Ҳукумати ҷумҳурӣ бо дарназардошти захираҳои бузурги табиӣ ва мероси бою таърихию фарҳангии мамлакатамон ба василаи эҷоди симои қавии Тоҷикистон ҳамчун узви комилҳуқуқи ҷомеаи ҷаҳонӣ мубаддал гаштааст. Ҳукумати ҷумҳурӣ аз лаҳзаҳои ба даст овардани Истиқлолият бо мақсади тақвияти соҳаи сайёҳӣ даст ба иқдомҳое зад, ки ба рушди ин паҳлуи хоҷагии халқ муосидат кард. Дар ин росто сиёсати дарҳои кушод, тинҷиву оромӣ ва Ваҳдати комил дар кишвар, мавҷудияти роҳҳои замонавӣ ва ташкили инфрасохтори мусоид барои рушди сайёҳӣ ба инкишофи соҳаи сайёҳӣ дар Тоҷикистон заминаи ҷиддӣ гузошт. Бунёди силсилаи меҳмонхонаҳои сатҳи байналмилаӣ дар шаҳри Душанбе ва ташкили инфрасохтори аввалиндараҷа дар манотиқи гуногуни мамлакат аз амалӣ шудани нақшаҳои дурнамои хирадмандона ва дурбинонаи сиёсати Ҳукумат дар ин самт шаҳодат медиҳад. Соҳаи сайёҳӣ кишвари моро ба ҷомеаи ҷаҳонӣ ҳамчун як ҷавҳари кашфношуда муаррифӣ намуда, ҳамчун биҳишти рӯйи заминро мемонад. Дар ҳақиқат соҳаи сайёҳӣ яке аз даромадноктарин соҳаҳои иқтисоди ҷаҳони муосир маҳсуб меёбад ва аз рӯйи даромад дар ҷойи сеюми соҳаи воридоти кишварҳои пешрафти ҷаҳон маҳсуб мегардад”.
 
- Мақсад аз баргузории чорабинии имрӯза мустаҳкам кардани мавқеи мамлакат ҳамчун кишвари мусоид барои сайёҳон, тарғиби мероси шоҳроҳи Абрешим, ки аз Тоҷикистон мегузарад ва ба ин васила муаррифии захираҳои бойи таърихию фарҳангӣ ва вусъат бахшидан ба рушди сайёҳии дохилӣ ва байналхалқӣ дар Тоҷикистон мебошад, - афзуд А. Абдуллозода. 



Сипас, Шамсиддин Орумбекзода, вазири фарҳанг, Ҳақдод Маҳмадшариф, муовини вазири корҳои хориҷӣ, намояндагони Вазорати маориф ва илм, Кумитаи давлатии сармоягузорӣ ва идораи амволи давлатии Тоҷикистон, Юри Ҳоровитз, коршиноси байналмилалӣ дар мавзӯъҳои “Мероси таърихиву фарҳангӣ омили ҷалби сайёҳон, мушкилот ва дурнамо”, “Соҳаи сайёҳӣ омили муаррифии Тоҷикистон дар хориҷи кишвар: мушкилот ва дурнамо”, “Рушди бемайлони соҳаи сайёҳӣ”, “Раванди тайёр намудани мутахассисони соҳаи сайёҳӣ дар муассисаҳои олии мамлакат: мушкилот ва дурнамо”, “Сармоягузорӣ ҳамчун муҳаррики рушди инфрасохтор ва беҳтар намудани сифати хизматрасонӣ дар соҳаи сайёҳӣ” маърӯза карданд. 

Дар конфронс барои иштирокчиён филми “Имкониятҳои сайёҳии Тоҷикистон” намоиш дода шуд.


Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

Апрел 2021 c.