САЙЁҲӢ
Душанбе 29 Ноябр 2021 06:55
1836
Шоми 1 октябр зиёда аз 20 намояндаи ширкатҳои сайёҳии Ҷумҳурии Ҳиндустон барои шиносоӣ бо имкониятҳои сайёҳии кишвари мо ба Тоҷикистон ташриф оварданд. Онҳоро дар Фурудгоҳи байналмилалии Душанбе намояндагони Кумитаи ҷавонон, варзиш ва сайёҳӣ ва ширкати сайёҳии назди Ҳукумати Ҷумҳурии Тоҷикистон пешвоз гирифтанд.



Дар меҳмонхонаи “Шератон”-и пойтахт Назарзода Ризо, муовини раиси Кумитаи ҷавонон, варзиш ва сайёҳӣ ва ширкатҳои сайёҳии Тоҷикистон бо намояндагони ширкатҳои сайёҳии Ҳиндустон мулоқот карданд.

Назарзода Ризо аз номи роҳбарияти Кумитаи ҷавонон, варзиш ва сайёҳӣ меҳмононро хайрамақдам гуфта, иброз дошт, “кӯшиш мекунем, ки имкониятҳои сайёҳии Тоҷикистонро хуб муаррифӣ кунем ва бовар дорам, ки баъд аз бозгашт шумо дар бораи зебоиҳои Тоҷикистон ба ҳамватанони худ қисса хоҳед кард”.

Зикр шуд, ки барои табодули таҷриба байни ширкатҳои сайёҳии Ҳиндустон ва Тоҷикистон заминаҳои хуби ҳамкорӣ фароҳам хоҳад омад, чун равобити ҳасана ва мутақобилан судманди ду кишвари дӯст, ки дорои муштаракоти таърихию фарҳангианд, беш аз пеш густариш меёбад.



Гуфта шуд, ки КҶВС ҳамчун мақоми тадбиқкунандаи сиёсати давлатии соҳаи туризм ба густариш ва таҳкими муносибатҳо дар соҳаи туризм байни Тоҷикистон ва Ҳиндустон ҳавасманд буда, бо мақсади минбаъд шиносоӣ бо таъриху фарҳанг, урфу одат ва анъанаҳои ҳар ду кишвар аҳамияти хоса медиҳад. Хусусан, кушодашавии хатсайри дуюми ҳавоӣ дар ҳафта миёни Душанбе-Деҳлӣ ба ташрифи бештари сайёҳон дар ҳар ду кишвар мусоидат хоҳад кард.

Дар фарҷом ба намояндагони ширкатҳои сайёҳии Ҳиндустон филмҳои кӯтоҳ (ролик) дар бораи Тоҷикистон ва зебоиҳои он намоиш дода шуд.

Мавриди зикр аст, ки дар 9 моҳи соли ҷорӣ аз Ҳиндустон ба Тоҷикистон 665 нафар сайёҳ ташриф овардаанд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Ноябр 2021 c.