Чорабинии фарҳангии “Корвони маърифат”, ки бахшида ба 20-солагии Ваҳдати миллӣ ва “Соли ҷавонон” дар шаҳру навоҳии вилояти Хатлон идома дошт, дар шаҳри Қӯрғонтеппа ҷамъбаст гардид.

Дар рафти чорабинии “Корвони маърифат” аз тарфи Бахши кор бо ҷавонон ва варзиши шаҳри Қӯрғонтеппа, бо иштироки ихтиёриёни назди Бахш дар маркази шаҳр аксияи иттилоотӣ доир шуда, зиёда аз 1250 адад варақаҳои иттилоотӣ ба сокинони шаҳр тақсим гардид. Ҳамзамон дар варзишгоҳи “Ҷавонӣ”-и шаҳр мусобиқаҳои вазнбардорӣ, дастхобонӣ, шашка байни дастаҳои писарона ва духтарона ва байни наврасони солҳои таваллуди ‎2004-2005 мусобиқаи “Тӯби чармин” баргузор карда шуд.

Дар чорабинӣ бо дастгирии соҳибкорони ҷавони шаҳр ба 10 нафар ҷавонони маъюб туҳфаҳои хотиравӣ ва ба ғолибони мусобиқа диплом, медал ва туҳфаҳои таъсиснамудаи Бахш тақдим шуд.

Умед Мирзоев, “ҶТ”