Бо ташаббуси Раёсати кор бо занон ва оилаи вилояти Хатлон, бахшида ба 20-солагии Ваҳдати миллӣ дар ноҳияи Шаҳритус корвони “Модарони Ваҳдастаро” баргузор гардид.

Ба гуфтаи сардори Раёсати кор бо занон ва оилаи вилоят Раъно Раҳимзода дар ҳайати ин корвон зиёда аз 100 нафар занону модарон ба 7 гурӯҳ тақсим шуда, дар ҷамоатҳои шаҳраку деҳот, маҳаллаҳо, қисми ҳарбӣ ва корхонаҳо вохӯрию суҳбатҳои судманд доир намуданд.

Дар ин ҳамоиш ҳамчунин раиси ноҳияи Шаҳритус Рамазон Оймаҳмадзода, корманди Кумитаи кор бо занон ва оилаи назди Ҳукумати кишвар Мадина Бобоева, мудирони бахши кор бо занон ва оилаи шаҳру ноҳияҳо ширкат намуда, оид ба Ваҳдати миллӣ, хизматҳои арзандаи Роҳбари давлат Эмомалӣ Раҳмон ҷињати расидан ба ваҳдату миллӣ, мақому нақши занон дар таҳкими сулҳу субот ибрози андеша намуданд.

Умед Мирзоев, “ҶТ”