Гурӯҳи кории Ҳукумати кишвар таҳти сарварии Ризо Назарзода, муовини аввали раиси Кумитаи кор бо ҷавонон ва варзиш дар ноҳияи Мурғоб бо сокинони ҷамоатҳои деҳоти “Қизил–работ”, “Қара–кул”, “Ранг–кул”, “Чечекти”, “Шаймоқ”, “Баш–гунбез”, “Булун–кул”, “Бердибаев”, “Аличур” ва “Мурғоб” мулоқот доир намуданд.

Дар ин вохӯрӣ муовини аввали раиси Кумитаро Диловаршоҳ Диловаршоев, намояндаи Академияи Илмҳои ҷумҳурӣ, Мамадризо Алимшоев, ноиб ректори Донишгоҳи давлатии Хоруғ ба номи Моёншо Назаршоев, Мамадҳасан Мамадҳасанов, мудири кафедраи забонҳои хориҷӣ, Ҷаркинбай Акжаров, раиси КМ ҲХДТ дар ноҳияи мазкур ҳамроҳӣ намуданд.

Ба гуфтаи масъулини Бахши кор бо ҷавонон ва варзиши ноҳияи Мурғоб вохӯрии гурӯҳи корӣ ба 20–солагии Рӯзи Ваҳдати миллӣ ва “Соли ҷавонон” бахшида шуда, дар он масъулин бо сокинон ва сарбозони қисмҳои ҳарбии мустақар дар ноҳия перомуни дастоварҳои Истиқлолияту Ваҳдат, аҳамияту мақоми ин арзишҳо дар ҷомеаи муосир, ҷалби сокинон ба корҳои бунёдкориву созандагӣ ва ғайра суҳбат намуданд.

Машҳур ИМОМНАЗАРОВ, “ҶТ”