Бо ибтикори Кумитаи ҷавонон, варзиш ва сайёҳии назди Ҳукумати кишвар 5 июн бахшида ба Соли ҷавонон дар шаҳри Қӯрғонтеппа мулоқоту вохӯрӣ ва чорабиниҳои фарҳангӣ баргузор гардид.

Масъулини Кумитаи ҷавонон, варзиш ва сайёҳӣ зимни вохурӣ бо ҷавонони фаъол дар толори Мақомоти иҷроияи маҳаллии ҳокимияти давлатии шаҳр ҷавононро ба ин соли таърихӣ табрик гуфта, даъват ба амал оварда шуд, ки бояд ҳар як ҷавон касбу ҳунарҳои гуногунро аз бар намояду баҳри пешрафту шукуфоии меҳан саҳмгузор бошанд.

Инчунин, худи ҳамин рӯз дар назди “Кохи Ватан”-и шаҳри Қӯрғонтеппа чорабиниҳои фарҳангӣ- фароғатӣ баргузор карда шуд, ки дар он ҷавонон бо руҳи болидаву ифтихор аз ватандорӣ иштирок ва хушнудӣ намуданд.