Чанде пеш дар ноҳияи Ҷалолиддини Балхӣ бо ташаббуси бахши кор бо ҷавонон ва варзиш дар боғи фарҳангӣ -фароғатии ноҳия бахшида ба 26 солагии Истиқлолияти давлатии Ҷумҳурии Тоҷикистон ва “Соли ҷавонон” чорабинии фарҳангӣ таҳти унвони “Шоми истиқлол" баргузор гардид.

Дар чорабинии мазкур раиси ноҳия Убайдуллои Файзулло ва дигар роҳбарони ташкилоту муассисаҳо штирок намуданд.

Убайдуллои Файзулло ҳозиринро ба эълон гардидани “Соли ҷавонон” табрик намуда, гуфт: “Ба хотири дар сатҳи баланд таҷлил намудани ин сол бо дастгирии мақомоти иҷроияи ҳокимияти давлатии ноҳия чорабиниҳои гуногун, баргузор гашта истодааст, ки барои баланд бардоштани нерӯи ҷавонон нақши калон мебозад”.

Инчунин дар рафти чорабинӣ ба 35 нафар хонандагони аълохон ва ҷавонони фаъол стипендияи раиси ноҳия барои соли хониши ‎2016-2017 такдим гардид.

Умед Мирзоев, “ҶТ”