ҶАВОНОН
Якшанбе 25 Август 2019 02:08
6260
Аз 14-ум то 22-юми июл дар шаҳри Бати кишвари Англия 60-умин Олимпиадаи ҷаҳонӣ аз фанни математика “60th IMO 2019” баргузор гардид. 

Дар олимпиада 642 хонанда аз 112 кишвари дунё иштирок намуда, Ҷумҳурии Тоҷикистонро Урақов Ҷаҳонгир – хонандаи Муассисаи давлатии таълимии “Литсей барои хонандагони болаёқат” дар шаҳри Душанбе, Хондҷонов Наимҷон, Исоматов Шоҳрух, Рустамов Ҷамшед, Шоҳрухи Маҳмадҷон ва Пиров Вазир – хонандагони Литсей-интернати тоҷикӣ-русии “Ҳотам ва ПВ” дар шаҳри Душанбе муаррифӣ намуданд.

Дар ҷамъбасти олимпиада Хондҷонов Наимҷон сазовори ҷойи дуюм (медали нуқра), Урақов Ҷаҳонгир сазовори ҷойи сеюм (медали биринҷӣ) гардида, Исоматов Шоҳрух ва Рустамов Ҷамшед бо Сипосномаи кумитаи тадорукотии олимпиадаи мазкур сарфароз гардонида шуданд.

Иштирокчиёни олимпиадаро кормандони Маркази ҷумҳуриявии дарёфт ва рушди истеъдодҳо дар якҷоягӣ бо намояндагони васоити ахбори омма дар фурудгоҳи байналмилалии Душанбе ботантана истиқбол намуданд.

Ёдовар мешавем, ки хонандагони кишвар аз аввали соли 2019 дар 17 олимпиадаи байналмилалӣ фаъолона иштирок намуда, сазовори 204 медал, аз ҷумла 49 медали тилло, 57 медали нуқра ва 98 медали биринҷӣ гардиданд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

Август 2019 c.