Раиси шаҳри Душанбе Рустами Эмомалӣ, ки сарпарастии “Соли ҷавонон”–ро ба уҳда дорад, боз як иқдоми наҷиби ҷавонпарварони Пешвои миллатро амалӣ намуд.

Шаҳрдори Душанбе дар арафаи ҷашни 20–солагии Рӯзи Ваҳдати миллӣ барои 200 нафар муҳассили мактабҳои миёна ва муассисаҳои миёнаи касбӣ стипендия таъсис дод.

Стипендияи мазкур барои хонандагону донишҷӯёни муассисаҳои таҳсилоти умумӣ, ибтидоӣ ва миёнаи касбии шаҳри Душанбе пешбинӣ шудааст ва ҳар хонандаву донишҷӯ барои таҳсили хубу аъло ва ширкати фаъолона дар корҳои ҷамъиятӣ метавонад, ҳар моҳ соҳиби 250 сомонӣ стипендияи раиси шаҳри Душанберо соҳиб гардад.

Тавре дар қарор омадааст, ин иқдом ҷиҳати иҷрои Нақшаи чорабиниҳои мақомоти иҷроияи ҳокимияти давлатии шаҳри Душанбе вобаста ба “Соли ҷавонон” эълон гардидани соли 2017 амалӣ мешавад.