30 март бо ташаббуси Кумитаи ҷавонон варзиш ва сайёҳӣ дар “Хонаи адибон”-и Иттифоқи нависандагон бахшида ба Соли ҷавонон чорабинии фарҳангӣ таҳти унвони “Маҳфили адибони ҷавони навқаламу эҷодкор” баргузор гардид.

Дар чорабинӣ Аҳтам Абдуллозода раиси Кумитаи ҷавонон, варзиш ва сайёҳӣ, Ато Мирхоҷа, ҷонишини раиси Иттифоқи нависандагон, шоири ширинкалом Муъмин Қаноат, нависандаи чирадаст Абдулҳамид Самад, ва як зумра адибони ҷавону донишҷӯёни мактабҳои олии кишвар ва ҳаводорону алоқамандони назму насри тоҷик ширкат варзиданд.

Дар рафти чорабинӣ навқаламону адибони ҷавон аз эҷодиёти худ, дар васфи баҳору Наврӯз ва Модар-Ватан шеъру таронаҳо қироат намуда,  хотири ҳаводорони шеъру сурудро шод гардониданд.

Дар охир як зумра адибони ҷавон бо сипоснома ва тӯҳфаҳои хотиравӣ қадрдонӣ шуданд.  

Хуршед ХОВАРӢ,”ҶТ”