Рӯзҳои 23-26 апрел, бо ташаббуси клуби волонтёрони Раёсати кор бо ҷавонон ва варзиши вилояти Суғд аксияи тарғиботӣ таҳти унвони “Мо муҳофизони имрӯзу фардои Тоҷикистон” дар кӯчаву хиёбонҳо, боғҳои фарҳангиву фароғатӣ ва бозорҳои шаҳру ноҳияи Хуҷанд, Б.Ғафуров, Конибодом ва Исфара гузаронида шуд.

Аксия бо мақсади баланд бардоштани маърифати хуқуқии ҷавонон, дар замири насли ҷавон бедор намудани ҳисси баланди ватандӯстӣ, тарбия намудани онҳо дар рӯҳияи далерию шуҷоатмандӣ, эҳтиром ва арҷгузорӣ ба муқаддасоти миллӣ ва даъват намудани ҷавонон ба хизмати Ватан – Модар доир гардида, дар рафти он 1500 адад маводҳои тарғиботӣ тақсим карда шуданд.