ҶАВОНОН
Чоршанбе 16 Октябр 2019 07:38
3149
Имрӯз, 20 июл, дар Кумитаи кор бо ҷавонон ва варзиши назиди Ҳукумати кишвар ҷаласаи аъзоёни Иттиҳодияи ташкилотҳои ҷавонони Тоҷикистон (ИТҶТ) баргузор гардид, ки дар кори ҷаласа Аҳтам Абдуллозода, раиси Кумита, Қиёмиддин Миралиён, раиси Шӯрои ИТҶТ, Шоҳзод Раҳимов, сардори Раёсати кор бо ҷавонон, Наимҷон Мирзораҳимов, котиби ИТҶТ ва намояндагони ташкилотҳои ҷавонон ширкат ва андешаронӣ карданд.

Зимни баргузории ҷаласа масъалаҳои ҳамкории Кумита бо ИТҶТ мавриди баррасӣ қарор дода шуд. Аҳтам Абдуллозода, раиси Кумитаи кор бо ҷавонон ва варзиш, зимни суханронии хеш афзуд, ки Ҳукумати Ҷумҳурии Тоҷикистон баҳри таъмини иштироки фаъолонаи иттиҳодияҳои ҷамъиятӣ дар татбиқи сиёсати давлатии ҷавонон грантҳои Ҳукумати Ҷумҳурии Тоҷикистонро дар самти тарбияи ватандӯстии ҷавонон таъсис додааст ва он ҳамасола ба ташкилотҳои кор бо ҷавонон таввасути озмуне, ки Кумта дар ин самт баргузор менамояд, амалӣ мегардад.

Инчунин, раиси Кумита қайд намуданд, ки новобаста аз мушкилоти ташкилотҳои ҷамъиятии кор бо ҷавонон дарҳои Кумита ҳамеша барои ҳамкорӣ бо ин созмонҳои ҷамъиятии кор бо ҷавонон кушодааст.

Дар рафти ҷаласа Қиёмиддин Миралиён, раиси Шӯрои ИТҶТ, доир ба камҳаракатии ташкилотҳо вобаста ба иштирок намудан дар озмуни эълоннамудаи Кумита вобаста ба грантҳои Ҳукумати Ҷумҳурии Тоҷикистон дар самти тарбияи ватандӯстӣ суханронӣ намуда, мақсаду моҳияти таъсисёбии ин иттиҳодияҳоро, ки фаъолияти онҳоро низомномаи он муқаррар менамояд баён намуд.

Пешниҳод гардид, ки бо мақсади ҷоннок намудани ҳамкориҳои тарафҳо ва бартараф намудани мушкилоти маҷуда дар муҳлати кӯтоҳтарин гурӯҳи корӣ таъсис дода шавад ва ин гурӯҳ дар робита ба масъалаҳои баррасигардида таклифу пешниҳодҳои худро мушаххас ба унвонии Кумита манзур намояд.

Иттиҳодияи ташкилотҳои ҷавонони Тоҷикистон 146 ташкилоти ҷамъиятии кор бо ҷавононро дар бар гирифта, соли 2003 ташкил шудааст. Ташкилотҳои ин иттиҳодия соли 2016 аз рӯи 24 лоиҳа, бо фарогирии 53262 нафар ҷавонон, чорабиниҳои гуногуни иҷтимоиву фарҳангӣ ва маърифативу ватандӯстӣ баргузор намудаанд.

Хуршед ХОВАРӢ, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Октябр 2019 c.