ҶАВОНОН
Якшанбе 17 Январ 2021 01:32
2832
Дар асоси нақша чорабиниҳои муштараки Кумитаи ҷавонон, варзиш ва сайёҳии назди Ҳукумати ҷумуҳрӣ бо мақомотҳои дахлдор дар самти пешгирии шомилшавии ҷавонон ба ҳизбу ҳаракатҳои экстремистию террористӣ байни ҷавонони маҳаллаҳои осебпазир бахшида ба “Соли ҷавонон” вохӯриҳо доир шуда истодааст. Вохӯрии навбатии масъулини Кумита 16 майи соли ҷорӣ дар ноҳияи Шаҳритуз бо сокинону ҷавонон доир гардид.

Дар аввали чорабинӣ масъулини Кумитаи ҷавонон, варзиш ва сайёҳӣ ва намояндагони мақомоти иҷроияи ҳокимияти маҳалаии ноҳияи Шаҳритуз бо иштироки зиёда аз 250 нафар сокинони ноҳия доир ба хатар ва роҳҳои пешгирии зуҳуроти номатлуби аср-шомилшавии ҷавонон ба ҳизбу ҳаракатҳои экстремистию террористӣ ҷамъомад баргузор намуданд. Ба иштирокчиён фаҳмонида шуд, ки ифротгароӣ ин амал ё ҳаракате мебошад, ки аз ҷонби як гурӯҳ барои аз байн бурдани сиёсат, фарҳанг ва ё идеалогияи амалкунандаи давлат рўи кор оварда мешавад. Гуфта шуд, ки ҷавононро зарур аст, зиракии худро аз даст надода баҳри пешгирии чунин афрод барои ҳифз ва ҳимояи арзишҳои миллию хонаводагӣ дар ҳолати ягон маълумот ё амалҳои шубҳанокро пайдо намудан ба сохторҳои дахлдор оҷилан хабар диҳанд.

Ҳамчунин дар ноҳия ба мақсади ҷалби васеи ҷавонон ба варзиш ва ба ин васила таъмин намудани оммавияти варзиш байни ҷавонони МТМУ ва деҳаҳо аз рӯи намуди футбол, волейбол шашка ва шоҳмот мусобиқаи варзишӣ баргузор гардида, ба ғолибион диплом ва дигар тӯҳфаҳои хотиравӣ тақдим карда шуд.

Дар доираи чорабинии мазкур дар маркази ноҳияи Шаҳритуз бахшида ба “Соли ҷавонон” чорабиниҳои фарҳангӣ таҳти унвони “Шоми ҷавонӣ” бо иштироки 1500 нафар ҷавонону варзишгарон, донишҷӯёни коллеҷу омӯзишгоҳҳо ва сокинон доир гашт. Зубайдулло Маҳмадуллоев, мудири Бахши таҳлилу иттиллоти Кумитаи ҷавонон, варзиш ва сайёҳӣ зимни суханронии худ дар бахши фарҳангии чорабинӣ изҳор дошт, ки Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон бо назардошти саҳми ҷавонон дар рушди ҷомеа ва иштироки фаъолонаи онҳо дар ҳаёти сиёсиву иқтисодии мамлакат соли равонро дар кишвар“Соли ҷавонон” эълон карданд.

– Барои сазовор будан ба боварии Сарвари давлатамон мо-ҷавононро мебояд, ки новобаста аз самти фаъолиятамон масъулияти баланди хештаншиносиро дар худ эҳсос намуда, тамоми нерӯ ва донишу маллакаи худро баҳри ободию гулгулшукуфоии ватанамон равона созем, – афзуд З.Маҳмадуллоев.

Дар охир аз ҷониби аҳли фарҳанги ноҳия намоиши театрикунонидашуда пешкаши ҳозирин гардид.




Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Январ 2021 c.