Бо ташаббуси Бахши кор бо ҷавонон ва варзиши вилояти Хатлон ва Мақомоти иҷроияи ҳокимияти давлатии вилоят бахшида ба Рӯзи пойтахт ҳамоиши ҷумҳуриявии ятимони кул таҳти унвони “Пешвои миллат – ғамхори ятимон” баргузор гардид.

Исмоилзода Абдуалим, раиси шаҳри Бохтар зимни мулоқот бо ятимон иброз дошт, ки “Мо ҳамеша Шуморо дастгирӣ мекунем ва ҳар мушкилие, ки пайдо шуд тайёрем, ки кӯмак намоем. Зеро Роҳбари давлат чуноне гуфтаанд: “Ятимон бояд худро танҳо ҳис накунанд, зеро мо ҳамеша бо онҳо ҳастем ва онҳо фарзандони давлатанд”.

Дар ҳамоиши мазкур оид ба дастгириҳои - Пешвои миллат ва таваҷҷуҳ ба ин табақаи ҷомеа суханрониҳо сурат гирифт.

Гуфта шуд, ки шумораи ятимони кулл дар шаҳру ноҳияҳои вилояти Хатлон тибқи ҳисоботҳо 576 нафар буда, аз ин шумора 189 нафар духтарон мебошад.

Ятимони кулл дар рафти ҳамоиш аз ҷойҳои фарҳангӣ-фароғатии вилоят дидан намуда, сипас барои болидахотирии онҳо дастархони идона ороста шуда, барномаи фарҳангии “Шоми ҷавонӣ” доир карда шуд.