Бахшида ба 30- солагии Истиқлолияти Тоҷикистон ва ба муносибати 80–солагии ҳунарпешаи халқии Тоҷикистон Маҳмудҷон Воҳидов аз 15 то 22 апрели соли равон дар шаҳри Душанбе ҷашнвораи ҷумҳуриявии театрҳои касбӣ “Парасту – 2019” баргузор мегардад.

Бино ба иттилои дафтари матбуоти Вазорати фарҳанг, дар ҷашнвораи мазкур 18 театрҳои касбии кишвар намоишҳои худро, ки тӯли ду соли охир саҳнавӣ гардидаанд, ба маърази тамошобинон ва ҳакамони озмун пешниҳод хоҳанд кард.

Гуфта мешавад, ки дар  доираи ҷашнвора ду мизи мудаввар – яке дар мавзӯи “Маҳмудҷон Воҳидов – арбоби барҷастаи санъати касбии тоҷик” ва дигаре “Вазъи кунунии театрҳои Тоҷикистон” баргузор мегардад.