Дар муассисаи таҳсилоти миёнаи рақами 1-и ноҳияи Шаҳристон дар мавзӯи “Ҷавонон терроризмро маҳкум месозанд” вохӯрӣ доир гардид.

Чорабинии мазкур бо мақсади баланд бардоштани сатҳи дониши наврасону ҷавонон, баланд бардоштани ҳисси ватандӯстии наврасону ҷавонон, даст кашидан аз амалҳои номатлуб, ҳамроҳ нашудан ба ҳар гуна ҳизбу ҳаракатҳои террористиву экстремистӣ ва тарбияи онҳо дар рӯҳияи ватандӯстӣ ва одоби ҳамидаи инсонӣ доир гардида, дар он 150 нафар наврасону ҷавонон, волонтëрон ва гирандагони стипендияи Президентӣ ширкат намуданд.

Гуфта шуд, ки терроризм ва экстремизм аз мушкилоти асосии ҷомеаи муосир ба ҳисоб рафта, новобаста аз шакли идоракунӣ ба тамоми мамолики олам, аз ҷумла кишвари мо беасар нест. Ин зуҳурот боиси ба миëн омадани оқибатҳои нохуш - таҳдид ë истифодаи зӯроварӣ, расонидани зарари вазнин, бенизомӣ, тағйири сохти конститутсионии давлатҳо, ғасби ҳокимият ва аз они худ кардани ваколатҳои он, барангехтани низои миллӣ, иҷтимоӣ ва динӣ гузашта метавонад. Ҷавонон бояд зидди ин зуҳуроти номатлуб бошанду онро маҳкум намоянд.