Бо мақсади босамар гузаронидани таътили зимистонаи хонандагон Бахши ҷавонон, варзиш ва сайёҳии шаҳри Ваҳдат як қатор чорабиниҳоро ба нақша гирифтааст.

Аз ҷумла, имрӯз, 6 январ, дар толори Кохи "Маърифат"-и шаҳр тренинги омӯзишӣ оид ба усулхои интерактивӣ баргузор гардид.
Дар тренинг 40 ҷавонон иштирок намуда, аз рӯи усули интерактивӣ дарсҳои шавқовар гузарониданд. Аввал лексияи хурд аз тарафи омӯзгор манзур гардид, сипас ҳуҷуми фикрӣ, корҳои гурӯҳӣ, намоиши саҳнаҳо ва мубоҳисаҳо сурат гирифт.

Иштирокчиён тасмим гирифтанд, ки аз ҳафтаи оянда чунин семинар-машваратҳоро дар байни дигар наврасону ҷавонони маҳаллаҳо муассисаҳои касбомӯзии шаҳр баргузор намоянд.

Лоихаи "Рушди потенсиали волонтёрон бо истифода аз усусли интерактивӣ" дар доираи Барномаи миллии рушди иҷтимоии ҷавонон дар Ҷумҳурии Тоҷикистон барои солхои 2016-2018 аз тарафи Кумитаи ҷавонон, варзиш ва сайёҳии назди Ҳукумати мамлакат дастгирӣ ёфтааст.