Аҳтам Абдуллозода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, санаи 9 июл,  дар доираи сафари корӣ ба вилояти Суғд ҷавонони имконияташон маҳдуд ва камбизоати шаҳри Хуҷандро аёдат кард.

Раиси кумита зимни боздид бо онҳо суҳбати озоду самимӣ доир намуда, аз ҷумла таъкид намуд, “Шумо ҳамеша дар зери таваҷҷуҳи хосаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор доред”. 

Пас аз аёдат раиси Кумитаи кор бо ҷавонон ва варзиш ба ҷавонони имконияташон маҳдуд ва камбизоат кумакҳои яквақтаинаи молию пулӣ тақдим намуд.