Бо ташаббуси Бахши кор бо ҷавонон ва варзиши ноҳияи Бобоҷон Ғафуров дар арафаи Рӯзи Ваҳдати миллӣ аёдати сарбозони қисми ҳарбии 14356 баргузор гардид.

Масъулин зимни вохӯрӣ ҳайати шахсии қисми ҳарбиро бо фарорасии ҷашни 21 солагии Ваҳдати миллӣ табрику таҳният намуда, дар бораи саҳми Қувваҳои Мусаллаҳ дар пойдории Ваҳдати миллӣ ва ғамхориҳои Пешвои миллат нисбати хизматчиёни ҳарбӣ суханронӣ намуданд.

Дар охир барои ҳавасманд намудани сарбозон ва бо ин васила баланд бардоштани омодабошии ҷангии онҳо ба 40 нафар сарбозони фаъол туҳфаҳои хотиравии Бахш, аз қабили туб, пойафзоли варзишӣ, тахтаҳои шоҳмот ва шашка тақдим карда шуд.