Маҳфили доимоамалкунандаи “Пайравони Пешвои миллат”-и Мактаби президентӣ барои хонандагони болаёқат дар шаҳри Бӯстон дар шаш моҳи аввали соли равон тибқи нақша чорабиниҳо бо мақсади ҷалб намудани ҷавонон дар ҷараёни таҳкими демократия ва густариши принсипҳои ҷомеаи шаҳрвандӣ, дарёфт ва тарбия намудани сарварони (лидерони) ҷавон бо ҳамоҳангсозии Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва сохторҳои он дар маҳалҳо як қатор корҳои манфиатбахшро ба сомон расонидааст.

Маҳфили мазкур 28 январи соли 2020 аз ҷониби директори Мактаби президентӣ барои хонандагони болаёқат дар шаҳри Бӯстон Набизода Мадина Раҳмат расман ба фаъолият шурӯъ намуда, аз рӯзҳои аввали таъсис ёфтан, дар муассиса шумораи аъзоён ба 90 нафар расида, дар чорабиниҳои умумимактабӣ ва шаҳрӣ фаъолона иштирок менамоянд.

Дар давоми 6 моҳи аввали соли 2020 дар доираи нақша чорабиниҳои маҳфил дар муассиса чорабиниҳои фарҳангӣ, илмӣ ва варзишӣ дар мавзӯъҳои гуногун ба роҳ монда шуда, мунтазам баргузор гардиданд.
Бо мақсади амалӣ намудани сиёсати ҷавонпарваронаи Президенти Ҷумҳурии Тоҷикистон муҳтарам Эмомалӣ Рамҳон баҳри ҳавасмандгардонии ҷавонони соҳибмаърифату болаёқат иқдомҳои наҷиб роҳандозӣ гардида, пайваста ташаббусҳои неку созанда пуштибонӣ меёбад. Аз ҷумла, соли равон 6 нафар муҳассилини муассиса – аъзоёни маҳфил бо гирифтани стипендияи раиси шаҳри Бӯстон мушарраф гардиданд.

Ҳамзамон, бо сар задани пандемияи коронавирус нақши аъзоёни маҳфил дар корҳои фаҳмондадиҳӣ ва тарғиботию ташвиқотӣ миёни мардум ҷиҳати пешгирии ин вируси сироятӣ назаррас мебошад.