Бо ташаббуси Бахши кор бо ҷавонон ва варзиши ноҳияи Вахш аз 5 то 14 август дар шаҳраки “Вахш”, ҷамоатҳои деҳоти “Рӯдакӣ” ва “20-солагӣ” дар ҳошияи “Соли ҷавонон” доир ба дастовардҳои Истиқлолияти давлатӣ, риояи талаблти қонунҳо, пешгирии шомилшавии ҷавонон ба гурӯҳҳои ифротӣ ва ҳифзи арзишҳои миллӣ бо ҷалби 20 нафар волонтёрон силсилаи мулоқоту вохӯриҳои фардию гурӯҳӣ гузаронида шуд.

Зимни мулоқотҳо иброз дошта шуд, ки соҳиб шудан ба Истиқлолияти давлатӣ барои аксар миллатҳо афсона аст. Вале бо бахти миллат ва ҷоннисориҳои зиёди фарзандони фарзонаву сарсупурдаи миллат мо онро соҳиб шудем. Акнун масъали асосӣ ин аст, ки ин ганҷи бебаҳои миллатро мо бояд ҳифз карда кунем.

Дар рафти вохӯриҳо таъкид гардид, ки дар ҳифзи дастовардҳои Истиқлолият нақши ҷавонон ҳамчун як рисолати таърихӣ хеле муҳим аст. Аз ин рӯ, онҳоро зарур аст, ки ин рисолати таърихии худро сари вақт ба анҷом расонанд.

Гурӯҳи корӣ бо истифода аз усули “Хона ба хона” бо беш аз 120 оила вохӯрӣ доир намуда, бо сокинону ҷавонон дар самти нигаҳдории арзишҳои миллӣ, баланд бардоштани ватандӯстию хештаншиносӣ, пешгирии ҷинояткорию қонуншиканӣ, дастовардҳои даврони соҳибистиқлолӣ ва эълон гардидани соли 2017- “Соли ҷавонон” сӯҳбату мулоқотҳо доир намуданд.

Инчунин, бахшида ба 10 солагии Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон" дар ҳашт ҷамоати ноҳия миёни 2000 сокнинони ҷамоатҳо мулоқот баргузор гардид. Масъулин ба сокинон дар бораи моҳият ва зарурияти риояи меъёрҳои ин санади миллӣ суханронӣ намуда, онро ба сокинон шарҳу тавзеҳ доданд.