6 июн дар конфронси илмие, ки рӯзи дуюм аст, дар доираи III Форуми байналмилалии "Баҳори донишҷӯёни давлатҳои БРИКС ва ШОС" дар шаҳри Ставрополи Федератсияи Русия баргузор гашта истодааст, Тоҷикистонро ду ҷавонон - Саидусмон Акрамов, мудири шуъбаи кор бо ҷавонони ДТТ ба номи академик М.С.Осимӣ ва Дилором Ҷумъаева, номзади илмҳои педагогӣ, ассистенти кафедраи умумидонишгоҳии ДДК ба номи А. Рӯдакӣ намояндагӣ карданд.

Саидусмон Акрамов дар мавзӯи “Роҳнамоӣ дар роҳи ба даст овардани муввафақиятҳои касбӣ” ва Дилором Ҷумъаева дар мавзӯи “Мукаммалнамоии сифати таҳсилот тибқи меъёрҳои байналмилалӣ дар мисоли ДДК ба номи А. Рӯдакӣ” маърӯза намуданд.

Баромади иштикчиёни тоҷикро ҳозирин хуш кабул намуда, маърӯзаи Саидусмон Акрамовро яке аз беҳтарин маърӯзаҳои рӯзи дуюми конфронс дониста шуд.

Шодихони НАЗАР, шаҳри Ставрополи Федератсияи Русия