Имрӯз, 23 ноябр, дар Коллеҷи технологии шаҳри Душанбе вохӯрии донишҷӯёни коллеҷ бо намояндагони мақомоти қудратӣ, фаъолони ҷомеа ва ҳуқуқшиносону рӯзноманигорон баргузор гардид.

Чорабинии мазкур бо ибтикори Ширкати телевизион ва радиои “Ватан” дар ҳамкорӣ бо сафорати Амрико дар Ҷумҳурии Тоҷикистон баргузор гардида, дар он масоили терроризму экстремизм мавриди таҳлилу баррасӣ қарор гирифт.

Зимни суханрониҳо таъкид гардид, ки бештари қурбониён, ки ба доми ифротгароён меафтанд, ҷавонон мебошанд. Зеро онҳо маълумоти кофӣ оид ба ин ва ё он ҳизбу ҳаракатҳои террористиро надоранд. Ҷавонон бояд зирак бошанду худро аз ҳар гуна зуҳуроти номатлуб дур нигоҳ доранд.

Дар интиҳои вохӯрӣ миёни иштирокчиён ва коршиносону мутахассисон доир ба мавзуъ суолу ҷавоб сурат гирифт.