ҶАВОНОН
Якшанбе 25 Август 2019 03:17
6257
Дар Мактаби байналмилалии Президентӣ беҳтарин хонандагони муассисаҳои таҳсилоти миёнаи кишвар дар соли хониши 2018 – 2019 муайян шуданд.

Аз тамоми шаҳру ноҳияҳои кишвар ҳамагӣ 36 нафар барои рақобат ба даври ҷумҳуриявӣ роҳхат пайдо намуданд, ки 23 нафари онҳо ба гирифтани медалҳо сарфароз гардиданд. Дар маҷмуъ дар соли 2019, 20 нафар ба гирифтани медали тилло ва 3 нафар ба гирифтани медали нуқра шарафёб гардида, 13 нафари дигар бо ифтихорномаи Вазорати маориф ва илми Ҷумҳурии Тоҷикистон мукофотонида шуданд.

Ёдовар бояд шуд, ки аз 23 нафар дорандагони медали тилло ва нуқра дар соли 2019, 14 нафарашон гирандагони Стипендияи президентӣ дар солҳои мухталиф мебошанд. Аз ҷумла, 3 нафар аъзоёни фаъоли маҳфили стипендиатҳои ҷавони назди Кумитаи кор бо ҷавонон ва варзиш Бибиомина Ҳамроева, Самандарова Гулноза, Шаҳзод Сафаров ба гирифтани медалҳои тилло шарафёб гардиданд.
Роҳбари маҳфили стипендиатҳои ҷавонони вилояти Суғд Некрӯз Шораҷабов, роҳбари маҳфил дар ноҳияи Спитамен Нурзода Тахмина, дар шаҳри Конибодом Раҷабова Марҳаматбону, аз шаҳри Бӯстон Нурматова Азиза ва аз ноҳияи Бобоҷон Ғафуров Ибрагимова Сураё бо гирифтани медали тилло шарафёб шуданд. Дорандагони медалҳои тилло гирандагони Стипендияи президентӣ мебошанд.

Дар заминаи сиёсати ҷавонпарваронаи Асосгузори сулҳу ваҳдати миллӣ – Пешвои миллат, муҳтарам Эмомалӣ Раҳмон имрӯз барои ҷавонон ва наврасони кишвар тамоми имкониятҳо фароҳам оварда шудааст, то онҳо донишҳои замонавиро аз худ намуда, ба Ватан содиқона хизмат намоянд.

Нурзода Тахмина гирандаи Стипендияи президентӣ зимни суҳбат иброз намуд:“Мо наврасону ҷавонони кишвар хуштолеътарин насли замонем, ки дар заминаи сиёсати оқилонаи Роҳбари давлат, муҳтарам Эмомалӣ Раҳмон барои ҳавасманд намудани мо ва дар роҳи худшиносиву худогоҳӣ тарбия ёфтани насли ҷавон тамоми имкониятҳо фароҳам оварда шудааст”.

 “Ман зодаи даврони истиқлолам ва сарфароз аз онам, ки имрӯз бо шаҳодатномаи сухр ва медали тилло муассисаи таҳсилоти миёнаро хатм намудам. Сарфарозам, ки чунин Роҳбари давлат дорам, ки ҳамеша моро дастгирӣ менамояд ва барои мо тамоми имкониятҳо ва шароити мусоидро фароҳам меоваранд”, - иброз дошт Раҷабова Марҳаматбону.

Кумитаи кор бо ҷавонон ва варзиш ба ин ҷавонони хуштолеи кишвар дар роҳи пуршарафи омӯзиш ва таҳсилоти олӣ муваффақият ва бурдбориҳо таманно дорад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

Август 2019 c.