Зери ҳамин унвон дар китобхонаи вилоятии ба номи Абӯабдуллоҳи Рӯдакии шаҳри Хоруғ бо иштироки зиёда аз 100 нафар наврасону ҷавонон аксия доир гардид.

Чорабинӣ бо ибтикори Раёсати кор бо ҷавонон ва варзиши ВМКБ, Бахши он дар шаҳру китобхонаи болозикр гузашта, дар ҷараёни он аз тарафи раёсат ба иштирокдорони фаъол ифтихорнома, китобу адабиёти гуногун ва дигар муҳимоти хониш тақдим шуд.

Бояд гуфт, ки дар Паёми навбатии Президенти кишвар муҳтарам Эмомалӣ Раҳмон ба Маҷлиси олии Ҷумҳурии Тоҷикистон низ зикр гашт, ки роҳбарону масъулони соҳаро зарур аст, ки сатҳу сифати таълимро баланд бардошта, ҷиҳати боло рафтани савияи донишу маърифатнокии хонандагону донишҷӯён тадбирҳои иловагиро роҳандозӣ намоянд ва ҳамзамон бо ин, ба тарбияи насли наврас диққати бештар дода, барои амалӣ гардидани Консепсияи миллии тарбия дар Ҷумҳурии Тоҷикистон чораҳои зарурӣ андешанд.

Чунин чорабиниҳо минбаъд ҳам аз тарафи раёсат роҳандозӣ мегарданд.