Имрӯз, 3 октябр, дар шаҳри Бохтар маросими тантанавии гусели даъватшавандаҳо ба сафи Артиши милии Тоҷикистон доир гардид.

Наздик ба 1000 нафар ҷавонони бонангу номуси Хатлонзамин, ки бо эҳсоси баланди ватандӯстӣ, арзи садоқат ба Ватан, миллат ва давлати соҳибистиқлоли худ довталабона ба сафи Артиши миллии Тоҷикистон пайвастанд, аз назди Комиссариати ҳарбии вилояти Хатлон то варзишгоҳи Донишгоҳи давлатии Бохтар ба номи Носири Хусрав роҳпаймоии идона карданд.

Раиси вилояти Хатлон Қурбон Ҳакимзода зимни ироаи сухани табрикии худ ба ҷавонони далеру матинирода ва шуҷоатманди Хатлони бостонӣ, ки аввалин шуда барои адои хизмати низомӣ ба комиссариатҳои ҳарбӣ ҳозир гаштаанд, аҳсан хонд.