Дар ноҳияи Роштқалъа ба ифтихори Рӯзи артиши миллӣ миёни наврасону ҷавонон чорабиниҳои маърифатӣ – фарҳангӣ ва ҳарбӣ – ватандӯстӣ гузаштанд.

Тавре масъулини Бахши кор бо ҷавонон ва варзиши ноҳия хабар доданд, дар чорабиниҳои маърифатӣ ҷавондухтарону мактаббачагон беҳтарин созу сурудро дар васфи Ватан ба таври зинда сароида, инчунин аз тарафи онҳо намоишномаҳои саҳнавӣ пешкаш шуданд.

Дар мусобиқаҳои ҳарбӣ ғайр аз турниккашиву арғамчинкашӣ, гирбардорӣ, инчунин ба қисмҳо ҷудо кардани яроқи оташфишон ва васл кардани он, пӯшидани ниқоби зидди газ миёни ҷавонписарону аскарон гузаронида шуданд.

Ғолибону фаъолони чорабиниҳо бо ифтихорномаҳо мушарраф гардиданд.