ҶАВОНОН
Якшанбе 11 Апрел 2021 11:39
7397
Имрӯз дар баробари дигар шаҳру навоҳии кишвар маъракаи гусели наваскарон ба сафи Артиши миллӣ дар ноҳияи Данғара низ бо шукӯҳу шаҳомат ҷараён гирифт. Ин маърака бо иштироки васеи наваскарону волидони онҳо ва намояндагони ниҳодҳои дахлдор дар саҳни Қасри фарҳанги ноҳияи Данғара баргузор гардид.

Дар маросими гусел нахуст раиси ноҳияи Данғара Раҳмон Исломиддин баромад карда, ба ҷавонону наваскарон саломатӣ, сари баланд ва нерӯи созандаро таманно намуд. Ҳамчунин ба падару модарон барои ба воя расонидани ҷавонони ватандӯст изҳори сипос ва миннатдории худро баён кард. Ӯ ҳамчунин гуфт, ки хизмат ба Ватан мактаби шарафу номус, мардонагию шуҷоатмандӣ буда, маҳз обу тоби бадан ва ҳамчун шахсият шинохташавии мард аз ҳамин мактаб ибтидо меёбад:

- Имрӯз ҷавонон ба хотири ҳимояи марзу буми ватан дар зери парчами нангу номус ҷамъ омадаанд, то ки хизмати модар – Ватанро сарбаландона иҷро намоянд. Шарафи бузург аст, ки бо ибтикори созанда ва сулҳпарваронаи Сарфармондеҳи Олии Қувваҳои Мусаллаҳи Ҷумҳурии Тоҷикистон, муҳтарам Эмомалӣ Раҳмон ҳамаи қисмҳои низомӣ бо шароитҳои зарурӣ муҳайё гардидаанд. Ҳар як аскарбачае, ки дар дифои сарҳад аст, хуб медонад, ки ҳаёти ватандории ӯ аз ҳамин ҷо сарчашма мегирад. Хизмат ба сафи Қувваҳои Муссалаҳи Ҷумҳурии Тоҷикистон барои ҳар як фарди бономуси Ватан ифтихор ва шарафи бузург маҳсуб меёбад,- афзуд, Раҳмон Исломиддин.

Боварӣ дорам, ки Шумо қарзи худро ҳамчун ворисони бонангу номуси гузаштагони худ бо сарбаландӣ иҷро намуда, марзу буми кишварро бо дилу ҷон ҳифз менамоед ва садоқати худро ҳамчун муҳофиз ва такягоҳи боэътимоди Ватану ватандорӣ исбот месозед.

Пас аз баромади раиси ноҳия ва дигар маърӯзачиён ҳунармандони бахши фарҳанги ноҳия бо маҳорати баланд ҳунарнамоӣ намуда, бо рақсу бозии наваскарон чорабинӣ интиҳо ёфт.

Дар охир бо дуои неки пирон наваскарон бо рӯҳи болида ва сари баланд барои хизмати Модар-Ватан раҳсипор гардиданд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

Апрел 2021 c.