Имрӯз – 6 май бо ибтикори бахши кор бо ҷавонон ва варзиши ноҳияи Рӯдакӣ дар МТМУ №4 ин ноҳия миёни ҷавонони синни 17-18 сола хониши сиёсӣ гузаронида шуд.

Дар он масъулини бахши кор бо ҷавонон ва варзиши ноҳия ширкат варзида, доир ба муҳтавои Қонуни Ҷумҳурии Тоҷикистон “Дар бораи тарбияи ватандӯстии шаҳрвандон”, масъалаҳои пешгирӣ аз омилҳои номатлуби ифротгароӣ, терроризму экстремизм, тақлиди фарҳанги бегона, худкушӣ, хариду фурӯши одамон, муҳоҷирати меҳнатӣ, баланд бардоштани ҳисси ватандӯстии шаҳрвандон, ташаккули худшиносиву худогоҳӣ, зиракии сиёсӣ, арҷгузорӣ ба муқаддасоти миллӣ ибрози назар назар карданд.

Зимни мулоқот ҳамчунин масъулин оид ба ҷалби ҷавонон ба сафи Қувваҳои Мусаллаҳи Ҷумҳурии Тоҷикистон, ҳифзи арзишҳои фарҳанги миллӣ ва дар амал татбиқ намудани қонунҳои Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон”, “Дар бораи масъулияти падару модар дар таълиму тарбияи фарзанд”, “Дар бораи озодии виҷдон ва иттиҳодияҳои динӣ” ва ҷалби шаҳрвандон ба корҳои созандагиву бунёдкорӣ баромад намуданд.

Гулафшон КАРИМОВА,“ҶТ”