Бо иқдоми Бахши кор бо ҷавонон ва варзиши ноҳияи Ванҷ дар ҷамоати Маҳмадулло Абдуллоев барои 20 нафар ҷавондухтар курси омӯзишии тоқидӯзӣ ташкил гардид.

Масрур Ғайратов, мудири бахш гуфт, ки курси мазкур дар доираи Барномаи миллии рушди иҷтимоии ҷавонон барои солҳои ‎2016 - 2018 дар Ҷумҳурии Тоҷикистон роҳандозӣ шуда, он муддати як моҳ давом меёбад.

Ба иттилои манбаъ ҳунари тоқидӯзиро ба ҷавондухтарон бонуи соҳибҳунари ноҳия Начида Анварова, ки худ аз афроди дорои имконияташ маҳдуд мебошад, меомӯзонад. Маблағгузории курси омӯзишӣ низ аз тарафи бахш сурат мегирад.