ҶАВОНОН
Якшанбе 08 Сентябр 2024 04:49
![10014](/upload/iblock/558/%D0%94%D0%B0%D1%81%D1%82%D1%83%D1%80.jpg)
Дар асоси як дастури Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон аллакай дар чанд шаҳру навоҳии мамлакат ба сохтмони майдончаҳои хурди машқварзӣ шуруъ кардаанд.
Дар ин бора аз шуъбаи таҳлилу иттилооти Кумитаи кор бо ҷавонон ва варзиш хабар доданд.
Бино ба иттилои манбаъ аллакай дар шаҳри Кӯлоб ва ноҳияҳои Мурғобу Ҷайҳун ба сохтмони ин гуна майдончаҳо шуруъ кардаанд.
Гуфта мешавад, ҳамаи бахшу раёсат ва зерсохторҳои Кумита дастур гирифтаанд, ки дар муддати кӯтоҳ дар ҳамаи деҳаҳо, маҳаллаҳо, кӯчаю хиёбонҳо ва ҷойҳои сераҳолӣ барои наврасону ҷавонон майдончаҳои хурди машқварзӣ сохта ба истифода диҳанд. Тавре иттилоъ доданд, барои сохтмони ин гуна майдончаҳо чиҳати маблағгузорӣ соҳибкорони маҳаллӣ ҷалб хоҳанд шуд.
Дар асоси ин дастури раиси Кумита майдончаҳои варзишӣ бояд дар шакли нав ва бо таҷҳизоти муосир сохта шаванд. Намунаи таҷҳизоти варзишӣ ва андозаву шакли ҷойгиркунии он ба масъулин нишон дода шудааст.
Ёдовар мешавем, ки дар мавриди сохтмони майдончаҳои варзишӣ ва рушди инфрасохтори соҳаи варзиш чандин сол аст, ки Ҳукумати кишвар ва сохторҳои марбута талош меварзанд. Аз ҷумла дар панҷ соли охир бо дастуру супоришҳои Роҳбари давлат дар шаҳру навоҳии мамлакат ҳудуди 800 майдончаи варзишӣ сохта ба истифода дода шуд.
Тавре Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати кишвар зимни нишасти хабарии ниҳоди зери идорааш 12 феврали соли ҷорӣ гуфта буд, дар умум то имрӯз дар саросари мамлакат 7479 майдончаи варзишӣ сохта шудааст.
Аз Кумитаи кор бо ҷавонон ва варзиш изҳори умедворӣ карданд, ки пиёда гаштани иқдоми навбатӣ дар оммавигардонии варзиш қадами ҷиддитаре хоҳад буд.
Хуршед ХОВАРӢ, “ҶТ”
Дар ин бора аз шуъбаи таҳлилу иттилооти Кумитаи кор бо ҷавонон ва варзиш хабар доданд.
Бино ба иттилои манбаъ аллакай дар шаҳри Кӯлоб ва ноҳияҳои Мурғобу Ҷайҳун ба сохтмони ин гуна майдончаҳо шуруъ кардаанд.
Гуфта мешавад, ҳамаи бахшу раёсат ва зерсохторҳои Кумита дастур гирифтаанд, ки дар муддати кӯтоҳ дар ҳамаи деҳаҳо, маҳаллаҳо, кӯчаю хиёбонҳо ва ҷойҳои сераҳолӣ барои наврасону ҷавонон майдончаҳои хурди машқварзӣ сохта ба истифода диҳанд. Тавре иттилоъ доданд, барои сохтмони ин гуна майдончаҳо чиҳати маблағгузорӣ соҳибкорони маҳаллӣ ҷалб хоҳанд шуд.
Дар асоси ин дастури раиси Кумита майдончаҳои варзишӣ бояд дар шакли нав ва бо таҷҳизоти муосир сохта шаванд. Намунаи таҷҳизоти варзишӣ ва андозаву шакли ҷойгиркунии он ба масъулин нишон дода шудааст.
Ёдовар мешавем, ки дар мавриди сохтмони майдончаҳои варзишӣ ва рушди инфрасохтори соҳаи варзиш чандин сол аст, ки Ҳукумати кишвар ва сохторҳои марбута талош меварзанд. Аз ҷумла дар панҷ соли охир бо дастуру супоришҳои Роҳбари давлат дар шаҳру навоҳии мамлакат ҳудуди 800 майдончаи варзишӣ сохта ба истифода дода шуд.
Тавре Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати кишвар зимни нишасти хабарии ниҳоди зери идорааш 12 феврали соли ҷорӣ гуфта буд, дар умум то имрӯз дар саросари мамлакат 7479 майдончаи варзишӣ сохта шудааст.
Аз Кумитаи кор бо ҷавонон ва варзиш изҳори умедворӣ карданд, ки пиёда гаштани иқдоми навбатӣ дар оммавигардонии варзиш қадами ҷиддитаре хоҳад буд.
Хуршед ХОВАРӢ, “ҶТ”
Эзоҳи худро нависед