Баҳри тарғибу ташвиқи нуктаҳои асосии Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ имрӯзҳо дар тамоми гӯшаю канори кишвар мулоқотҳо доир гардида истодаанд. Бо ҳамин мақсад бо сарбозони қисмҳои ҳарбии 04533 ва 0214 дар ноҳияи Деваштич вохӯрӣ баргузор гардид.

Дар мулоқот сармуҳаррири рӯзномаи “Набзи Деваштич” Маҳбуба Ҷамолова, раиси Шӯрои собиқадорони ҷангу меҳнати ноҳия Даврон Эргашев ва намояндаи бахши кор бо ҷавонон ва варзиши ноҳия Рухшона Саъдуллоева иштирок намуданд.

Масъулин дар баромадҳои худ оиди нуктаҳои асосии Паёми Пешвои миллат дар бораи ваъзи сиёсати дохиливу хориҷӣ, иқтисодӣ, иҷтимоиву фарҳангии мамлакат маълумот доданд.

Дар ҷамъбасти мулоқот афсарону сарбозони қисмҳои ҳарбӣ барои дастгирии ҳамешагии Пешвои миллат муҳтарам Эмомалӣ Раҳмон изҳори сипос карданд.

Лоиқ ТУЙЧИЕВ, ноҳияи Деваштич