Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ҷиҳати пешниҳоди беҳтарин сенарияи роликҳои таблиғотӣ-ташвиқотӣ дар самти сиёсати давлатии ҷавонон озмун эълон менамояд.

Дар озмун коргардонҳо, таҳиягарон, муаллифони филмномаҳо, ҳунармандони театр, композиторон, рӯзноманигорон ва эҷодкорон ба ҳайси муаллиф метавонанд сенарияҳои худро дар самтҳои зерин дар ҳаҷми аз 1 то 2 саҳифа то 1 декабри соли 2016 пешниҳод намоянд:

- баланд бардоштани ҳисси ватанпарастии ҷавонон ва эҳсоси масъулиятшиносии ҷавонон дар назди имрӯз ва фардои миллат;

– баланд бардоштани ҳисси масъулиятшиносии ҷавонон дар назди волидайн;

- таблиғи ғояҳои идеологӣ ҷиҳати риояи танзими анъана ва ҷашну маросимҳои миллӣ ва баланд бардоштани маърифати оиладории ҷавонон;

- таъмини иштироки ҷавонон дар рушди ҷомеа ва ҳалли масъалаҳои иҷтимоӣ, иқтисодӣ, сиёсӣ ва фарҳангӣ;

- пешгирии ҳодисаҳои номатлуби иҷтимоӣ, нашъамандӣ, терроризм ва экстремизм дар байни ҷавонон;

- тарғиби тарзи ҳаёти солим дар байни ҷавонон;

- баланд бардоштани маърифати ҳуқуқию сиёсии ҷавонон;

- маҳкум сохтани зуҳуроти бегонпарастӣ дар байни ҷавонон;


Суроға: шаҳри Душанбе, кӯчаи Спортивная-6; телефон барои тамос - 904 0660 74