Имрӯз дар толори Муассисаи таҳсилоти миёнаи умумии назди сарраёсати маорифи шаҳри Душанбе ҳамоиши гирандагони Стипендияи Президенти Ҷумҳурии Тоҷикистон доир гардид.

Зимни баргузории чорабинии мазкур Абдулло Раҳмонзода, раиси Кумитаи кор бо ҷавонон ва варзиш, Шоҳзод Раҳимзода, сардори Раёсати КҶВ-и шаҳри Душанбе ва дигар масъулни соҳа бо хонандагону донишҷӯён-гирандагони Стипендияи президентии муассисаҳои таълимии чор ноҳияи шаҳри Душанбе суҳбату маърӯзаҳо намуданд.

Сипас, аз ҷониби раиси Кумита ба 311 нафар гирандагони Стипендияи президент шаҳодатнома тақдим гардид.

Дар идомаи гирандагони Стипендияи президентӣ дар соли таҳсили 2021-2022 Румия Сайфудинова, Розия Зоҳидова ва Солеҳҷон Юсупов аз дастгириҳои пайвастаи Президенти кишвар муҳтарам Эмомалӣ Раҳмон изҳори сипос намуда, қайд карданд, ки талош хоҳанд намуд, то ба ин боварӣ сазовор бошанд.

Дар анҷоми ҳамоиш кормандони Раёсати фарҳанги шаҳри Душанбе барои ҳозирин барномаи фарҳангӣ иборат аз суруду оҳангҳои ватандӯстона пешниҳод намуданд.