Имрӯз дар МТМУ №100 шаҳри Душанбе ҷаласаи ҷамъбастии шашмоҳаи Раёсати кор бо ҷавонон ва варзиши шаҳри Душанбе баргузор гардид.

Шоҳзод Раҳимзода, сардори Раёсати кор бо ҷавонон ва варзиши шаҳри Душанбе ҷаласаро ифтитоҳ намуда, дар ҷараёни баромади хеш доир ба фаъолияти раёсат дар нимсолаи аввали соли ҷорӣ суханронӣ намуд.
Номбурда дар ҷаласа масъалаҳои тарбияи ватандӯстии ҷавонон, ҷинояткорӣ миёни ноболиғон ва ҷавонон, бегонапарастӣ миёни ҷавонон, тақвият бахшидани корҳои тарғиботию ташвиқотӣ дар самти татбиқи сиёсати давлатии ҷавонон, варзиш ва тарзи ҳаёти солим, рушд бахшидани фаъолияти волонтёрӣ, тарғиби фарҳанги шаҳрнишинӣ ва таҳсилоти муносиби наврасону ҷавонони пойтахтро мавриди таҳлилу баррасӣ қарор дода, барои рафъи мушкилиҳои ҷойдоштаи соҳа ва рушд бахшидани фаъолияти Раёсати кор бо ҷавонон ва варзиши шаҳри Душанбе ва зерсохторҳои он дастуру супоришҳои мушаххас доданд.

Дар охири ҷаласа фаъолони соҳа ҷиҳати саҳмгузорӣ дар рушди соҳаи кор бо ҷавонон ва варзиш бо Ифтихорнома ва Сипосномаи Раёсати кор бо ҷавонон ва варзиши шаҳри Душанбе қадрдонӣ гардиданд.