Бахшида ба 20 – солагии ҷашни Ваҳдати миллӣ ва “Соли ҷавонон” дар ноҳияи Дарвоз фестивали фарҳангӣ таҳти унвони “Таронаи сарбоз” баргузор гардид.

Чорабинӣ бо ташаббуси Бахши ҷавонон, варзиш ва сайёҳии ноҳия ташкил шуда, дар он сарбозону афсарони қисмҳои низомӣ, ҷавонону наврасон ва дигар сокинони ноҳия ширкат варзиданд.

Тавре Расулҷон Шокиров, мудири Бахши ҷавонон, варзиш ва сайёҳии ноҳияи Дарвоз хабар дод, дар фестивал асосан сарбозони дидбонгоҳҳои мустақари ноҳия ва ҷавонон баромад намуда, беҳтарин намоишномаву таронаҳоро дар васфи Ватан – модар, меҳанпарастӣ, ваҳдату якдилӣ ва истиқлолияти давлатӣ манзури ҳозирин гардониданд.

- Мувофиқи нақша – чорабиниҳои Бахши ҷавонон, варзиш ва сайёҳии ноҳия чунин фестивалу ҳамоишҳои фарҳангӣ байни дигар ҷавонону наврасон, сарбозону афсарони қисмҳои ҳарбии мавзеҳои дурдасти ноҳия ҳам гузаронида мешавад, - гуфт Расулҷон Шокиров.

Машҳур ИМОМНАЗАРОВ, “ҶТ”