ҶАВОНОН
Шанбе 16 Январ 2021 01:06
2642
Субҳи имрӯз дар маркази вилояти Хатлон барои сафарбаркунии наваскарони ихтиёрӣ роҳбарияти вилоят ва даҳҳо падару модар ҷаъм омада сарбозони ихтиёриро бо дуои нек ба хизмати Модар-Ватан равон карданд.

Дар чорабинии мазкур раиси вилояти Хатлон Давлатшоҳ Гулмаҳмадзода, сардори комисарияти вилояти Хатлон Нуралӣ Фақиров, муовини раиси вилоят Махфират Хидирзода, сардори Раёсати ҷавонон, варзиш ва сайёҳии вилояти Хатлон Фариза Абдулоева ва падару модарони аскарбачаҳо иштирок намуданд.

Давлатшоҳ Гулмаҳмадзода, ҳамаи давъватшудаҳоро ба сафи Қувваҳои Мусалаҳи Ҷумҳурии Тоҷикистон тарбик намуда, иброз намуд, ки "Ҳеҷгоҳ набояд фаромӯш кард, ки заминаи таъмини асосии бехатари ва амнияти давлат ҳимояи марзу бум ва сулҳу суботи кишвар дар ҳама давру замон артиш буд ва то абад мемонад". Раиси вилояти Хатлон иброз дошт, ки танҳо ҷавонони бо ору номус, шуҷоъ ва ватандӯст метавонад, ки ҳар як порчаи ватанро ҳифз кунад ва мардонавод сазовори номи сарбозӣ шаванд.

модарон.gif

Сипас як модар, ки худро Садбарг муарифи намуд гуфт: "Ман ҳамчун модар фарзанди худро ба сафи Қувваҳои Мусалаҳи Ҷумҳурии Тоҷикистон равон карда, мехоҳам, ки сулҳу суботи давлатамонро таъмин кунанд. Бигузор ҳар як ҷавон қарзи фарзандии модари худро иҷро кунад. Ба ин ҷавонони шуҷои Ватан роҳи сафед орзумандам ".

Чорабинии мазкуро Раёсати фарҳанги вилояти Хатлон бо барноами ҳурарии худ, ранги дигар бахшиданд.

Қобили зикр аст, ки дар ин маросим туҳфаҳои мақомоти иҷроияи ҳокимияти давлатии вилояти Хатлон ва Раёсати ҷавонон, варзиш ва сайёҳии вилоят ба нишони қадрдонӣ аз ҷавононе, ки ба хизмати Ватан мераванд дода шуд.



Умед Мирзоев, "ҶТ"

Эзоҳи худро нависед



Рамзҳо дар расм