6 майи соли равон дар ноҳияи Дӯстӣ бо мақсади муайян намудани ихтироъкорони ҷавон ва ҳавасмандгардонии онҳо озмуни «Навоварӣ ва ихтирокорӣ тақозои замон аст» баргузор гардид.

Дар озмун Шарифзода Зебонисо, муовини раиси ноҳияи Дӯстӣ, Низора Олимова, мудири бахши ҷавонон, варзиш ва сайёҳии ноҳия, Абдуҷаббор Абдураҳмонов, мудири маорифи ноҳия ва директорони мактабҳо иштирок доштанд.

Мақсад аз гузаронидани озмун пайдо намудани ҷавонони боистеъдод миёни хонандагони муассисаҳои таълимии ноҳия ва навоварӣ мебошад.

Дар озмуни мазкур беш аз 40 нафар ихтироъкорони ҷавон маҳсули тайёрнамудаи худро пешниҳоди ҳозирин гардониданд.
  
Баъди натиҷагирӣ ҷойи якум насиби Манучеҳр Саломов, хонандаи МТМУ№5 гардид. Қурбон Амонов, аз МТМУ №6 ба гирифтани ҷойи дуюм ва Маъруф Мирзомуродов мақоми сеюмро ишғол намуданд.

Дар охир ба ҳамаи иштирокчиёни озмун аз тарафи Бахши ҷавонон, варзиш ва сайёҳии ноҳия тӯфаҳои хотиравӣ супорида шуд.

Умед Мирзоев, "ҶТ"