Дар ҷамоатҳои деҳоти Чоркӯҳ ва Сурхи шаҳри Исфараи вилояти Суғд, санаи 18 ноябр, мулоқоти раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода ва раиси шаҳри Исфара Саломзода Сиҷоуддин бо ҷавонону варзишгарон ва фаъолони ҷамоат  баргузор гардид. 

Нахуст, раиси шаҳри Исфара баромад намуда, иброз дошт, ки ҷавонону наврасони шаҳри Исфара аз иқдомоту ташаббусҳои наҷиби Асосгузори сулҳу ваҳдати миллӣ – Пешвои миллат, муҳтарам Эмомалӣ Раҳмон пуштибонӣ намуда, сиёсати оқилонаи Роҳбари давлатро сармашқи фаъолияти ҳаррӯзаи хеш менамоянд. Ҷавонону варзишгарон, аҳли ҳунар  ва  аҳли ҷамоати шаҳри Исфара бо  азму иродаи қавӣ баҳри сазовор пешвоз гирифтани ҷашни 30 солагии Истиқлолияти давлатии Ҷумҳурии Тоҷикистон  талош намуда истодаанд.

Аҳтам Абдуллозода, раиси Кумитаи кор бо ҷавонон ва варзиш, зимни суханронии хеш Истиқлолият ва Ваҳдати миллиро бузургтарин дастоварди миллати тоҷик дониста, иброз дошт, ки он баъди ҳазор сол барои миллати тоҷик бо  заҳмату талошҳои беназири Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба даст омадааст.

“Талошу заҳматҳо ва ҷонфидоиҳои Пешвои муаззами миллат, муҳтарам Эмомалӣ Раҳмон дар роҳи ба даст овардани Ваҳдати миллӣ, сулҳу амонӣ ва якдиливу якмаромӣ назир надорад. Мову шуморо зарур аст, ки аз сиёсати дурбинона ва хирадмандонаи Пешвои миллат пуштибонӣ намуда, сарсупурдагӣ, созандагиву бунёдкориро аз мактаби ватандӯстонаи Пешвои маҳбуби кишвар омӯзем ва чун пайравони асили Пешвои миллат дар роҳи созандагиву бунёдкории Ватани маҳбубамон камари ҳиммат бандем”, - гуфт дар идома Аҳтам Абдуллозода. 

Дар охири мулоқот аз ҷониби волонтёрони Маркази ҷавонони деҳоти Чоркӯҳ барномаи зебои фарҳангӣ намоиш дода шуд.