Иттифоқи “Тоҷикматлубот” барои таъмини аҳолӣ дар давраи тирамоҳу зимистони солҳои 2018-2019 дар ҳаҷми умумии 1026 тонна маҳсулоти кишоварзӣ ва 2000 тонна ангишт захира кардааст.

Хуршед Сангаков, муовини раиси Иттифоқи “Тоҷикматлубот”, 5 феврал, ин нуктаро зимни нишасти хабарӣ баён намуда, иброз дошт, “ба воситаи ярмаркаҳои фурӯши маҳсулоти кишоварзӣ дар соли 2018 барои сокинони шаҳри Душанбе 749 тонна маҳсулот бо нархҳои нисбатан аз нархи бозор арзон ба фурӯш бароварда шуд”.

Дар идома таъкид гардид, ки аз тарафи Иттифоқи “Тоҷикматлубот” ба муносибати ҷашни Наврӯз, идҳои Саиди фитр ва Қурбон, Соли нави 2019 ба Интернати давлатии №1-и деҳаи Арали ноҳияи Восеъ ба маблағи 14 000 сомонӣ ва ба оилаҳои камбизоат, собиқадорони меҳнат, шахсони бепарастор ва дигар муассисаҳо 106 598 сомонӣ, дар маҷмуъ ба маблағи 120 598 сомонӣ кӯмаки молиявӣ расонида шудааст.