Бахшида ба Рӯзи байналмилалии кӯдакон имрӯз бо ибтикори масъулини Кумитаи ҷавонон, варзиш ва сайёҳӣ дар Мактаб-интернати №4-и ноҳияи Синои шаҳри Душанбе дар доираи “Соли ҷавонон”барои 247 нафар тарбиятгирандагони ин боргоҳ таҳти унвони “Кӯдакон дунёи моянд” чорабинии фарҳангиву фароғатӣ баргузор гардид.
Зимни чорабинӣ гуфта шуд, ки насли наврас ҳамеша зери таваҷҷӯҳи бевоситаи Ҳукумати кишвар буда, барои беҳтар гардидани вазъи зиндагии онҳо тадбирҳои амалӣ андешида шуда истодааст.
Қайд гардид, ки ҳадаф аз баргузории чорабинии мазкур ин пеш аз ҳама татбиқи сиёсати иҷтимоии Ҳукумати ҷумҳурӣ, дастгирии наврасону ҷавонон, дар рӯҳияи худшиносиву худогоҳии миллӣ ва ифтихор аз созандагию бунёдкорӣ мебошад.
Дар рафти чорабинӣ аз ҷониби намояндагони Кумитаи ҷавонон, варзиш ва сайёҳӣ ба тарбиятгирандагони мактаб-интернат туҳфаҳои хотиравӣ тақдим шуд, ки аз ин наврасону кӯдакон хушҳол гардиданд.
Ёдовар мешавем, ки баргузории чорабиниҳои хусусияти фарҳангию фароғатӣ ва маърифатию тарбиявидошта дар тамоми қаламрави ҷумҳурӣ аз ҷониби сохторҳои маҳаллии Кумита бахшида ба ин санаи таърихӣ дар байни кӯдакону волидони онҳо доир карда шуданд.
Эзоҳи худро нависед